Home Social Responsibility ធនាគារអភិវឌ្ឍន៍ជនបទ បានរៀបចំកម្មវិធីអបអរសាទរ ខួបលើកទី១០៨ ទិវាអន្តរជាតិនារី៨ មីនា ឆ្នាំ២០១៩

ធនាគារអភិវឌ្ឍន៍ជនបទ បានរៀបចំកម្មវិធីអបអរសាទរ ខួបលើកទី១០៨ ទិវាអន្តរជាតិនារី៨ មីនា ឆ្នាំ២០១៩

November 10, 2020 19 views

ធនាគារអភិវឌ្ឍន៍ជនបទ៖ នារសៀលថ្ងៃព្រហស្បត្តិ៍ ២កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៧ ខែមីនា ឆ្នាំ២០១៩ វេលាម៉ោង១៦ និង៣០នាទី នៅធនាគារអភិវឌ្ឍន៍ជនបទ បានរៀបចំកម្មវិធីអបអរសាទរ ខួបលើកទី១០៨ ទិវាអន្តរជាតិនារី៨ មីនា ឆ្នាំ២០១៩ ក្រោមប្រធានបទ លើកកម្ពស់សមភាពយេនឌ័រ និងការគាំពារសង្គមដើម្បីអភិវឌ្ឍធនធានមនុស្សក្រោមអធិបតីភាព ឯកឩត្តម កៅ ថាច អគ្គនាយក និងលោកជំទាវនៃធនាគារអភិវឌ្ឍន៍ជនបទ និងមានការអញ្ជើញចូលរួមពីលោកអគ្គនាយករង ប្រធាននាយកដ្ឋាន អង្គភាពគ្រប់ផ្នែក រួមនឹងនិយោជិតនៃធអជទាំងអស់ និងនិយោជិតជានារីសរុបចំនួន៣០នាក់។ ឆ្លៀតក្នុងឱកាសអបអរសាទរទិវាសិទ្ធិនារីអន្តរជាតិ៨ មីនា ឯកឩត្តមអគ្គនាយកព្រមទាំងលោកជំទាវ បានផ្តល់ជូននូវថវិកាមួយចំនួនជូនដល់និយោជិតជាស្ត្រី ដើម្បីជាកំលាំងចិត្តក្នុងការខិតខំព្យាយាមបំពេញការងារ និងបានសម្រេចស្នាដៃជូនស្ថាប័ននាពេលកន្លងមក ។

Call Center
023 220 810 | 023 220 811 (Fax) : 023 224 628 admin@ardb.com.kh #9-13, St 7,Sangkat Chaktomuk, Phnom Penh