Home Social Responsibility ឯកឧត្តម កៅ ថាច អគ្គនាយកនៃធនាគារអភិវឌ្ឍន៍ជនបទ តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និង លោក ចាន់ តារា អភិបាលនៃគណៈអភិបាលរងស្រុកខ្សាច់កណ្តាលនិងសហការី បានអញ្ជើញចូលរួមកម្មវិធីសំណេះសំណាលជាមួយសិស្សានុសិស្សថ្នាក់ទី១២ ដែលត្រូវត្រៀមប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាឆ្នាំសិក្សា ២០១៨-២០១៩ នៅវិទ្យាល័យ ព្រែក លួង និងវិទ្យាល័យ បាន ដាវ សរុបចំនួន២៩២នាក់ ក្នុងនោះស្រីមានចំនួន១៥៩នាក់ និងលោកគ្រូ អ្នកគ្រូទទួលបន្ទុកបំប៉នសិស្សត្រៀមចំនួន២០នាក់ ។

ឯកឧត្តម កៅ ថាច អគ្គនាយកនៃធនាគារអភិវឌ្ឍន៍ជនបទ តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និង លោក ចាន់ តារា អភិបាលនៃគណៈអភិបាលរងស្រុកខ្សាច់កណ្តាលនិងសហការី បានអញ្ជើញចូលរួមកម្មវិធីសំណេះសំណាលជាមួយសិស្សានុសិស្សថ្នាក់ទី១២ ដែលត្រូវត្រៀមប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាឆ្នាំសិក្សា ២០១៨-២០១៩ នៅវិទ្យាល័យ ព្រែក លួង និងវិទ្យាល័យ បាន ដាវ សរុបចំនួន២៩២នាក់ ក្នុងនោះស្រីមានចំនួន១៥៩នាក់ និងលោកគ្រូ អ្នកគ្រូទទួលបន្ទុកបំប៉នសិស្សត្រៀមចំនួន២០នាក់ ។


ឆ្លៀតក្នុងឱកាសនោះ ឯកឧត្តម កៅ ថាច បានពាំនាំប្រសាសន៍ផ្តាំផ្ញើការសាកសួរសុខទុក្ខដល់ប្អូនៗសិស្សានុសិស្ស និងលោកគ្រូអ្នកគ្រូ ពីសំណាក់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន និងបាននាំយកប្រាក់ឧបត្តម្ភរបស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន សរុប ១៤ ១២០ ០០០រៀល ។ក្នុងនោះសម្រាប់សិស្ស២៩២នាក់ ក្នុងម្នាក់ចំនួន ១០០០០រៀល លោកគ្រូ អ្នកគ្រូ២០នាក់ ក្នុងម្នាក់ៗ ៨០០០០រៀល និងឧបត្ថម្ភសម្រាប់លោកគ្រូ អ្នកគ្រូចូលរួមបំប៉នសិស្សត្រៀមប្រឡងមធ្យមសិក្សាទុតិយភូមិចំណេះទូទៅ និងបំពេញវិជ្ជាសម្រាប់វិទ្យាល័យព្រែកលួង ៦ ០០០ ០០០រៀល និងវិទ្យាល័យ បាន ដាវ ៣ ៦០០ ០០០ រៀល។ ជាមួយគ្នានេះ ឯកឧត្តម កៅ ថាច បានផ្តល់អនុសាសន៍ល្អៗមួយចំនួនដល់ប្អូនៗដើម្បីទុកជាដើមទុន និងមានមូលដ្ឋានដើម្បីត្រៀមខ្លួនប្រឡងយកសញ្ញាបត្រទុតិយភូមិនៅថ្ងៃទី១៩ ខែសីហា ឆ្នាំ២០១៩ ខាងមុខ។ ដោយឡែក ឯកឧត្តម ក៏បានធ្វើការណែនាំអំពីព័ត៍មានអាហារូបករណ៍របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន សម្រាប់ផ្តល់ជូនប្អូនៗនៅស្រុកខ្សាច់កណ្តាលដើម្បីធ្វើការប្រកួតប្រជែងយកសម្រាប់បន្តការសិក្សានៅថ្នាក់មហាវិទ្យាល័យ។