ធនាគារអភិវឌ្ឍន៍ជនបទនិងកសិកម្ម (ARDB) បានរៀបចំពិធីអបអរសាទរ ទិវាអន្តរជាតិនារី ៨មីនា ខួបលើកទី១១៥ ក្រោមប្រធានបទ “សន្តិភាព និងសន្តិសុខសម្រាប់ស្ត្រី និងគ្រួសារ”

កម្មវិធីនេះប្រព្រឹត្តទៅក្រោមអធិបតីភាព ឯកឧត្តម ចាន់ សីហា តំណាងដ៏ខ្ពង់ខ្ពស់របស់ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ដោយមានការចូលរួមដោយផ្ទាល់ ពីសំណាក់ថ្នាក់ដឹកនាំ និងបុគ្គលិកស្ត្រីសរុបចំនួន ១១៨ រូប។

ធនាគារ ARDB បានរៀបចំពិធីអបអរសាទរទិវាអន្តរជាតិនារី ៨ មីនា ជារៀងរាល់ឆ្នាំ ក្នុងគោលបំណងរំលឹកអំពីកិច្ចខិតខំប្រឹងប្រែងរបស់ស្ត្រីនៅក្នុងពិភពលោកក្នុងការទាមទារឱ្យទទួលបានសិទ្ធិស្មើភាពគ្នារវាងស្ត្រីនិងបុរស និង បង្ហាញអំពីការយកចិត្តទុកដាក់របស់ធនាគារក្នុងការលើកកម្ពស់សមភាពយេនឌ័រនៅក្នុងស្ថាប័ន។

ធនាគារ ARDB នៅតែបន្តប្តេជ្ញាចិត្តយ៉ាងមុតមាំក្នុងការកសាងបរិយាកាសការងារប្រកបដោយសុវត្ថិភាព ភាពកក់ក្តៅ និងផ្តល់តម្លៃខ្ពស់ដល់ស្ត្រីគ្រប់រូប។