បាត់ដំបង៖ ដោយទទួលបានការស្នើសុំពី តំណាងអង្កការអភិវឌ្ឍន៍កុមារ និងសហគមន៍ក្រីក្រ នៅថ្ងៃពុធ ៨រោច ខែមាឃ ឆ្នាំច សំរឹទិ្ធស័ក ព.ស ២៥៦២ ត្រូវនឹងថ្ងៃទី២៧ ខែកុម្ភៈ ឆ្នាំ២០១៩ ក្រុមការងារធនាគារអភិវឌ្ឍន៍ជនបទ តំណាងឯកឧត្តម កៅ ថាច អគ្គនាយកនៃធនាគារអភិវឌ្ឍន៍ជនបទ បាននាំយកអង្ករចំនួន ១តោន ដើម្បីឧបត្ថម្ភជូនដល់អង្កការអភិវឌ្ឍន៍កុមារ និងសហគមន៍ក្រីក្រ ដែលមានកុមារកំព្រាគ្មានទីពឹងកំពុងរស់នៅទីនោះ និងគ្រូបង្រៀន បុគ្គលិក សរុបចំនួន២៧នាក់ ដែលមានទីតាំងស្ថិតនៅ ភូមិដុបក្រសាំង ឃុំព្រៃតូច ស្រុកមោងឫស្សី ខេត្តបាត់ដំបង។