បុគ្គលិកនៃការិយាល័យចល័តទទួលបន្ទុកខេត្តតាកែវ កំពត និងកំពង់ស្ពឺ បានចូលរួមរៀបចំ កិច្ចប្រជុំស្តីពី “ការបូកសរុបលទ្ធផលការងារសម្រាប់ត្រីមាសទី៣ ឆ្នាំ២០២៣ និងទិសដៅសកម្មភាពអាទីភាពសម្រាប់ត្រីមាសទី៤ ឆ្នាំ២០២៣ របស់ការិយាល័យមណ្ឌលភូមិភាគនិរតី”

ក្រោយពីទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) បុគ្គលិកនៃការិយាល័យចល័តទទួលបន្ទុកខេត្តតាកែវ កំពត និងកំពង់ស្ពឺ បានចូលរួមរៀបចំ កិច្ចប្រជុំស្តីពី “ការបូកសរុបលទ្ធផលការងារសម្រាប់ត្រីមាសទី៣ ឆ្នាំ២០២៣ និងទិសដៅសកម្មភាពអាទីភាពសម្រាប់ត្រីមាសទី៤ ឆ្នាំ២០២៣ របស់ការិយាល័យមណ្ឌលភូមិភាគនិរតី” នាថ្ងៃទី០៦ ខែវិច្ឆិកា ឆ្នាំ២០២៣ ដែលប្រព្រឹត្តទៅនៅសាលប្រជុំមន្ទីរពាណិជ្ជកម្មខេត្ត កំពង់ស្ពឺ វេលាម៉ោង ០៨:០០នាទីព្រឹក ។ កិច្ចប្រជុំក្រោមក្របខណ្ឌគម្រោងជំរុញទីផ្សារសម្រាប់កសិកម្មខ្នាតតូច (AIMS) នេះ មានគោលបំណងដូចជា៖

១) ត្រួតពិនិត្យវឌ្ឍនភាព បញ្ហាប្រឈម កត្តារាំងស្ទះ និង មេរៀនបទពិសោធន៍ក្នុងការអនុវត្តសកម្មភាពគម្រោង

២) កំណត់សកម្មភាពអាទិភាព និងយុទ្ធសាស្រ្ត អនុវត្តសម្រាប់ត្រីមាសទី៤ ឆ្នាំ២០២៣

៣) ពង្រឹងគុណភាពការងារ និងការទទួលខុសត្រូវរបស់មន្ត្រីបង្គោលថ្នាក់ខេត្ត និងBCF

៤) ពង្រឹងគុណភាពការងារ និងការទទួលខុសត្រូវរបស់ TSP ក្នុងការផ្តល់សេវា និងកញ្ជប់បច្ចេកទេស VCIF

៥) តម្រង់ទិសក្រុមការងារថ្នាក់ខេត្តត្រៀមរៀបចំសកម្មភាព និងការងារសម្រាប់ក្រុមបេសកកម្ម(Supervision Mission-IFAD, 15-24November) អោយមានប្រសិទ្ធភាពខ្ពស់។