គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP)

ទិដ្ឋភាពទូទៅគម្រោង

គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP) មានការគាំទ្រមូលនិធិពីស្ថាប័នអន្តរជាតិមួយចំនួនដូចជា៖ ធនាគារអភិវឌ្ឍន៍អាស៊ី (ADB), មូលនិធិហេដ្ឋារចនាសម្ព័ន្ធអាស៊ាន (AIF), ទីភ្នាក់ងារបារាំងសម្រាប់ការអភិវឌ្ឍ (AFD), មូលនិធិជប៉ុនសម្រាប់ការកាត់បន្ថយភាពក្រីក្រ (JFPR) និងមានការចូលរួមពីរាជរដ្ឋាភិបាលកម្ពុជា។

គម្រោងមានមូលនិធិសរុបចំនួន ១១០,០៦ លានដុល្លារអាម៉េរិក សម្រាប់គម្រោងទាំងមូល ក្នុងនោះមូលនិធិសម្រាប់បន្ទាត់ឥណទានសរុប មានចំនួន ៥១ លានដុល្លារអាម៉េរិក សម្រាប់ផ្តល់កម្ចីទៅអ្នកទទួលផលពីគម្រោង តាមរយៈធនាគារអភិវឌ្ឍន៍ជនបទ និងកសិកម្ម និងធនាគារស្ថាបនា។

គម្រោងនេះមានគោលដៅ៖ (i) អភិវឌ្ឍវិស័យកសិកម្មប្រកបដោយបរិយាបន្ន និងនិរន្តរភាព, និង (ii) អភិវឌ្ឍវិស័យឯកជន តាមរយៈការលើកកម្ពស់សហគ្រាសតូច និងមធ្យម (SMEs) និងសហគ្រិនភាព។

ធនាគារ ARDB និ​ងធនាគារស្ថាបនា ត្រូវបានជ្រើសរើសដើម្បីផ្តល់ឥណទានដោយផ្ទាល់ដល់កសិធុរកិច្ច, សហគមន៍កសិកម្ម និងកសិករ។ ផលិតផលកសិកម្មគោលដៅរបស់គម្រោងមានចំនួន ៥ រួមមាន​៖ ដំឡូងមី ស្វាយ ស្វាយចន្ទី បន្លែ និងមាន់។

គម្រោងនេះអនុវត្តរយៈពេល ៩ ឆ្នាំ (២០២១-២០២៩) នៅក្នុង​ខេត្តគោលដៅគម្រោងចំនួន ១១ រួមមាន៖ កំពង់ចាម កំពង់ធំ ឧត្តរមានជ័យ ព្រះវិហារ សៀមរាប ត្បូងឃ្មុំ កំពង់ស្ពឺ កណ្តាល ក្រចេះ ស្ទឹងត្រែង និងខេត្តតាកែវ។

តួនាទីរបស់ធនាគារ ARDB

លក្ខខណ្ឌតម្រូវ

• មានបុគ្គលិកលក្ខណៈផ្លូវច្បាប់
• មានបទពិសោធន៍អាជីវកម្ម
• មានប្រវត្តិល្អក្នុងការប្រើប្រាស់ឥណទាន
• មានលទ្ធភាពក្នុងការសងត្រលប់ និង
• ត្រូវមានទ្រព្យដាក់ធានាឥណទាន

ឯកសារតម្រូវ

វិធីសាស្រ្តសងត្រឡប់

• ប្រាក់ដើមអាចទូទាត់ជារៀងរាល់ខែ ត្រីមាស ឆមាសឬនៅចុងវគ្គដោយផ្អែកលើលំហូរសាច់ប្រាក់របស់អតិថិជន
• កា​រប្រាក់ត្រូវទូទាត់ជារៀងរាល់ខែ