រាជធានីភ្នំពេញ៖ នារសៀលថ្ងៃទី២៩ ខែមេសា ឆ្នាំ២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB, ឯកឧត្តម ចាន់ សីហា និងឯកឧត្តម បាន លឹម អគ្គនាយករងនៃធនាគារ ARDB អមដោយសហការី បានចូលរួមកិច្ចប្រជុំត្រីភាគី (តាមប្រព័ន្ធអនឡាញ) រវាងក្រសួងសេដ្ឋកិច្ច និងហិរញ្ញវត្ថុ, មូលនិធិអាកាសធាតុបៃតង (GCF) និងធនាគារអភិវឌ្ឍន៍កូរ៉េ (KDB)។ កិច្ចប្រជុំនេះមានគោលបំណងដើម្បីពិភាក្សាពីវឌ្ឍនភាព និងទិសដៅការងារជាជំហានបន្ទាប់ក្រោមក្របខ័ណ្ឌនៃកម្មវិធីហិរញ្ញប្បទានអាកាសធាតុនៅកម្ពុជា (CCFF)។
