ព័ត៌មានថ្មីៗ

វិទ្យាល័យហ៊ុន សែន រ៉ូតា ខ្សាច់កណ្តាល៖ រសៀលថ្ងៃចន្ទ ទី៣១ ខែតុលា ឆ្នាំ២០២២ វេលាម៉ោង ១៥ និង ០០ នាទី , ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម រួមជាមួយអនុប្រធាន និងសហការី បានចូលរួមកម្មវិធីសំណេះសំណាលជាមួយលោកនាយក នាយករង លោកគ្រូអ្នកគ្រូ និងសិស្សានុសិស្សថ្នាក់ទី១២ នៃវិទ្យាល័យ ហ៊ុន សែន រ៉ូតាខ្សាច់កណ្តាល ដែលត្រៀមប្រឡងសញ្ញាបត្រមធ្យមសិក្សាទុតិយភូមិ ដែលមានវត្តមានចូលរួមសរុប ៣១៦ នាក់។ ក្នុងឱកាសនោះ ឯកឧត្តមបណ្ឌិត កៅ ថាច បានពាំនាំប្រសាសន៍ផ្តាំផ្ញើសួរសុខទុក្ខ និងការនឹករលឹកដ៏ជ្រាលជ្រៅពីសំណាក់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ជូនដល់ប្អូនៗសិស្សានុសិស្ស និងលោកគ្រូអ្នកគ្រូទាំងអស់។ ឆ្លៀតក្នុងឱកាសនោះ ឯកឧត្តមបណ្ឌិត បានណែនាំ និងផ្តាំផ្ញើដល់ប្អូនៗសិស្សានុសិស្សឱ្យខិតខំសិក្សារៀនសូត្រ និងត្រៀមលក្ខណៈសម្បត្តិ សម្រាប់ប្រឡងសញ្ញាបត្រមធ្យមសិក្សាទុតិយភូមិ ដែលនឹងប្រព្រឹត្តទៅនៅថ្ងៃទី៥ ខែធ្នូ ឆ្នាំ២០២២ […]

នាព្រឹកថ្ងៃទី៣១ ខែតុលា ឆ្នាំ២០២២​ នេះ​ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB និងសហការី បានដឹកនាំកិច្ចប្រជុំពិភាក្សាការងារជាមួយក្រុមហ៊ុន SoftBank Corp​ តាម​ប្រព័ន្ធ​ Zoom Meeting។ កិច្ចប្រជុំពិភាក្សានេះមានគោលបំណងបង្ហាញពីនវានុវត្តន៍ក្នុងវិស័យកសិកម្មដោយប្រើប្រាស់បច្ចេកវិទ្យា AI តាមរយៈការប្រើប្រាស់ “e-kakashi” app លើទូរស័ព្ទចល័តដើម្បីវិភាគទិន្នន័យគ្រប់ដំណាក់កាលនៃការដាំដុះរហូតដល់ប្រមូលផល ព្រមទាំងបង្ហាញពីវិធីសាស្រ្តក្នុងការដោះស្រាយបញ្ហាផងដែរ។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានចែករំលែកបទពិសោធន៍ក្នុងប្រទេសកម្ពុជា តាមរយៈការធ្វើបទបង្ហាញលើប្រធានបទ តួនាទីរបស់ស្ថាប័នផ្តល់ហិរញ្ញប្បទានសម្រាប់ការអភិវឌ្ឍលើការភិវឌ្ឍហេដ្ឋារចនាសម្ព័ន្ធ, បច្ចេកវិទ្យា, និងកសិកម្ម និងធ្វើជាវាគ្មិនក្នុងកិច្ចពិភាក្សា ក្នុងកិច្ចប្រជុំ Association of Development Financing Institutions in Asia and the Pacific (ADFIAP) ឆ្នាំ២០២២ លើកទី៤៥ នារសៀលថ្ងៃទី២៧ ខែតុលា ឆ្នាំ២០២២ ប្រទេសហ្វីលីពីន។ ឯកឧត្តមបណ្ឌិត បានលើកឡើងអំពីគោលនយោបាយអន្តរាគមន៍របស់រាជរដ្ឋាភិបាលកម្ពុជា ក្នុងអំឡុងពេល និងក្រោយវិបត្តិកូវីដ-១៩ ក្រោមក្របខ័ណ្ឌយុទ្ធសាស្ត្រ និងកម្មវិធីស្តារនិងជំរុញកំណើនសេដ្ឋកិច្ចកម្ពុជាក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មីសម្រាប់ឆ្នាំ២០២១-២០២៣ និងបង្ហាញអំពីតួនាទីរបស់ធនាគារ ARDB ក្នុងកិច្ចអន្តរាគមន៍របស់រាជដ្ឋាភិបាលកម្ពុជា។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) តំណាងឱ្យថ្នាក់ដឹកនាំ និងបុគ្គលិកទាំងអស់នៃធនាគារ ARDB បានទទួលពានរង្វាន់សម្រាប់ការអភិវឌ្ឍឆ្នាំ២០២២ (Development Awards 2022) ក្រោមប្រភេទការអភិវឌ្ឍសេដ្ឋកិច្ចនៅមូលដ្ឋានថ្នាក់ក្រោមជាតិ (Local Economic Development) ដែលផ្តល់ដោយ Association of Development Financing Institutions in Asia and the Pacific (ADFIAP) នាល្ងាចថ្ងៃទី២៦ ខែតុលា ឆ្នាំ២០២២។ ពានរង្វាន់នេះ ត្រូវបានផ្តល់ជូនធនាគារ ARDB សម្រាប់ការអនុវត្តកម្មវិធីហិរញ្ញប្បទានពិសេសរបស់រាជរដ្ឋាភិបាលក្នុងការលើកកម្ពស់វិស័យស្រូវ-អង្ករនៅកម្ពុជា តាមរយៈការផ្តល់ហិរញ្ញប្បទានពិសេសរបស់រាជរដ្ឋាភិបាល ជូនដល់ប្រជាកសិករ, រោងម៉ាស៊ីនកិនស្រូវ និងភាគីពាក់ព័ន្ធផ្សេងទៀត។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ដែលជាសមាជិកក្រុមប្រឹក្សាភិបាលនៃ ADFIAP បានដឹកនាំសហការី ចូលរួមកិច្ចប្រជុំក្រុមប្រឹក្សាលើទី៩៣ នាព្រឹកថ្ងៃទី២៦ ខែតុលា ឆ្នាំ២០២២ នៅប្រទេសហ្វីលីពីន។ កិច្ចប្រជុំក្រុមប្រឹក្សាភិបាលលើកទី៩៣ នេះ ត្រូវបានរៀបចំឡើងដោយមានរបៀបវារៈដូចខាងក្រោម៖ ១. ការអនុម័តលើរបាយការណ៍កិច្ចប្រជុំក្រុមប្រឹក្សាភិបាលលើទី៩២, ២. ការធ្វើបច្ចុប្បន្នភាពលើការអនុម័តក្នុងកិច្ចប្រជុំក្រុមប្រឹក្សាភិបាលលើកទី៩២, ៣. ការស្នើសុំការអនុម័តលើ៖ សមាជិកថ្មី, ផែនការថវិកាឆ្នាំ២០២៣, វេទិការអន្តរជាតិសម្រាប់ CEO ឆ្នាំ២០២៣, ៤. ការអនុម័តលើសមាជិកក្រុមប្រឹក្សាភិបាលថ្មី និង ៥. ការអនុម័តលើរបាយការណ៍របស់អគ្គលេខាធិការដ្ឋាន ADFIAP ។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការី ជួបសំដែងការគួរសម​ និងពិភាក្សាការងារជាមួយ លោកស្រី Cynthia B. Baldeo (President and CEO) អគ្គនាយកនៃ CARD SME Bank និងតំណាង CARD MRI​ ប្រទេសហ្វីលីពីន នាព្រឹកថ្ងៃទី២៥ ខែតុលា​ ឆ្នាំ២០២២ ដោយមានការសម្របសម្រួលដោយ ADFIAP។ ជំនួបនេះ​ គឺធ្វេីឡេីងក្នុងគោលបំណងចែករំលែកបទពិសោធន៍ក្នុងការផ្តល់ការឥណទានខ្នាតតូចដល់ប្រជាកសិករ, ម៉ូឌែលអាជីវកម្មឥណទាន និងអាជីវកម្មពាក់ព័ន្ធ, និងយុទ្ធសាស្រ្តក្នុងការអនុវត្តផែនការយុទ្ធសាស្រ្ត។ បន្ថែមពីនេះ ឯកឧត្តមបណ្ឌិត និងសហការី ក៏បានទស្សនាការតាំងពិព័រណ៌ចំណីអាហាររបស់សិស្សានុសិស្ស ដែលកំពុងសិក្សា ក្រោមកម្មវិធីរបស់ CARD MRI ។ ជាចុងក្រោយ ស្ថាប័នទាំងពីរ ក៏បានពិនិត្យលទ្ធភាពក្នុងការស្វែងរកការពង្រីកកិច្ចសហប្រតិបត្តិការ។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការី ជួបសំដែងការគួរសម​ និងពិភាក្សាការងារជាមួយ លោក Alberto E. Pascual អគ្គនាយក (President and CEO) Philippine Guarantee Corporation នៅស្នាក់ការកណ្តាល​នៃ​ Philippine Guarantee Corporation​ ប្រទេសហ្វីលីពីន នារសៀលថ្ងៃទី២៤ ខែតុលា​ ឆ្នាំ២០២២ ដោយមានការសម្របសម្រួលដោយ ADFIAP។ ជំនួបនេះ​ គឺធ្វេីឡេីងក្នុងគោលបំណងចែករំលែកបទពិសោធន៍ក្នុងការផ្តល់ការធានាឥណទាន ដោយបានពិភាក្សាជាពិសេស ការធានាឥណទានក្នុងវិស័យកសិកម្ម និងការកំណត់នូវម៉ូដែលអាជីវកម្ម និងយុទ្ធសាស្រ្តដែលសមស្រប។ បន្ថែមពីនេះ ស្ថាប័នទាំងពីរ ក៏បានពិនិត្យលទ្ធភាពក្នុងការស្វែងរកការពង្រីកកិច្ចសហប្រតិបត្តិការ។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការី ជួបសំដែងការគួរសម​ និងពិភាក្សាការងារជាមួយ លោក Emmanuel G. Herbosa អគ្គនាយកធនាគារ​ (President and CEO) Development Bank of the Philippines នៅស្នាក់ការកណ្តាល​នៃ​ Development Bank of the Philippines​ ប្រទេសហ្វីលីពីន នារសៀលថ្ងៃទី២៤ ខែតុលា​ ឆ្នាំ២០២២ ដោយមានការសម្របសម្រួលដោយ ADFIAP។ ជំនួបនេះ​ គឺធ្វេីឡេីងក្នុងគោលបំណងចែករំលែកបទពិសោធន៍ក្នុងការផ្តល់ហិរញ្ញប្បទានសម្រាប់ការអភិវឌ្ឍន៍ (Development Financing) ដោយបានពិភាក្សាលើបញ្ហាប្រឈម និងការកំណត់នូវម៉ូដែលអាជីវកម្ម និងយុទ្ធសាស្រ្តដែលសមស្រប។ បន្ថែមពីនេះ ធនាគារទាំងពីរ ក៏បានពិនិត្យលទ្ធភាពក្នុងកាេស្វែងរកការពង្រីកកិច្ចសហប្រតិបត្តិការ។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការី ជួបសំដែងការគួរសម​ និងពិភាក្សាការងារជាមួយ លោកស្រី Cecilia C. Borromeo អគ្គនាយកធនាគារ​ (President and CEO) Land Bank of the Philippines នៅស្នាក់ការកណ្តាល​នៃ​ Land Bank of the Philippines​ ប្រទេសហ្វីលីពីន នាព្រឹកថ្ងៃទី២៤ ខែតុលា​ ឆ្នាំ២០២២ ដោយមានការសម្របសម្រួលដោយ ADFIAP។ ជំនួបនេះ​ គឺធ្វេីឡេីងក្នុងគោលបំណងចែករំលែកបទពិសោធន៍ក្នុងការផ្តល់ហិរញ្ញប្បទានសម្រាប់ការអភិវឌ្ឍន៍ (Development Financing) ដោយមានការធ្វើបទបង្ហាញ ក្រោមមូលបទ Sustainability Growth Vision, Innovation of Sustainable Business Model and Strategies, និង Data-Driven in Agriculture, […]

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB អមដោយ ឯកឧត្តម បាន លឹម និង ឯកឧត្តម ប៉ិច សានី អគ្គនាយករងនៃធនាគារ ARDB ព្រមទាំងសហការី បានដឹកនាំកិច្ចប្រជុំពិភាក្សាការងារជាមួយក្រុមការងារ Access Advisory ដែលជា Consulting Team របស់ទីភ្នាក់ងារបារាំងសម្រាប់ការអភិវឌ្ឍ AFD នារសៀលថ្ងៃទី២១ ខែតុលា ឆ្នាំ២០២២។ កិច្ចប្រជុំនេះមានគោលបំណងពិភាក្សាអំពីរបកគំហើញនៃការសិក្សាសមិទ្ធិលទ្ធភាពលើការរៀបចំ និងការធ្វើផែនការទាក់ទងនឹងការអនុវត្តគម្រោងហិរញ្ញប្បទានអាកាសធាតុ (ឥណទានបៃតង) ក្រោមមូលនិធិរបស់ AFD។