ឥណទានកម្មវិធីពិសេសរបស់រាជរដ្ឋាភិបាលដើម្បីគោលដៅអន្តរាគមន៍ទីផ្សារលើយន្តការអភិវឌ្ឍន៍ និងធ្វើប្រតិបត្តិការលើឃ្លាំងស្ដុក និងឡសម្ងួតស្រូវ ពោត ឬកសិផលផ្សេងទៀត

អតិថិជនគោលដៅ

អតិថិជនគោលដៅជា មជ្ឈមណ្ឌលប្រមូលទិញស្រូវ រោងម៉ាស៊ីនកិនស្រូវ អ្នកប្រមូលទិញស្រូវ ឬអ្នកផ្សេងទៀតដែលមានសមត្ថភាពប្រមូលទិញស្រូវក្រអូប នាងខុន ឬកសិផលផ្សេងទៀតពីកសិករក្នុងតម្លៃកំណត់ដោយធនាគារអភិវឌ្ឍន៍ជនបទ និងកសិកម្ម តាមការចង្អុលទិសរបស់រាជរដ្ឋាភិបាល។

លក្ខខណ្ឌតម្រូវ

• ម្ចាស់អាជីវកម្មជារូបវន្តបុគ្គល ឬនីតិបុគ្គល ត្រូវចុះបញ្ជី និងមានការទទួលស្គាល់ដោយស្ថាប័ន អាណាព្យាលបាល
• មានកេរ្តិ៍ឈ្មោះល្អ និងប្រកបអាជីវកម្មក្នុងវិស័យស្រូវ-អង្ករ២​ ឆ្នាំជាប់គ្នា
• សមត្ថភាពឃ្លាំងស្តុកអាចធានាស្តុកស្រូវយ៉ាងតិច ៣.០០០ តោន
• មានម៉ាស៊ីនសម្ងួត ដែលអាចសម្ងួតស្រូវបានយ៉ាងតិច ៥០ តោន/ថ្ងៃ
• ឃ្លាំងសន្និធិត្រូវមានទីតាំងដាច់ដោយឡែកពីរោងម៉ាស៊ីនកែច្នៃ
• ឃ្លាំំងត្រូវមានបរិក្ខារគ្រប់គ្រាន់ក្នុងការលើកដាក់ ដូចជាជញ្ជីង Forklift ប៊ុលដូហ្ស័រ ជាដើម
• មានរបាយការណ៍/ឯកសារបញ្ជាក់ពីចំណូល-ចំណាយអាជីវកម្មច្បាស់លាស់
• មានលំហូរសាច់គ្រប់គ្រាន់ដែលធានាលើការទូទាត់សងឥណទានត្រឡប់វិញបាន

គោលបំណងឥណទាន

ការផ្តល់ឥណទាន របស់ ធ.អ.ជ.ក. ដើម្បីគាំទ្រកម្មវិធីពិសេសរបស់រាជរដ្ឋាភិបាលក្នុងការផ្តល់ហិរញ្ញប្បទាន កម្ចីសម្បទានរយៈពេលវែង សម្រាប់ពង្រីកគម្រោងអន្តរាគមន៍បង្កើតមជ្ឈមណ្ឌលប្រមូលទិញស្រូវ (ឃ្លាំងនិងសម្ងួត) ដល់វិស័យឯកជន នៅទីតាំងយុទ្ធសាស្រ្តដែលបានកំណត់ ព្រមទាំងផ្តល់ឥណទានទុនបង្វិលបន្ថែមដល់អតិថិជន គោលដៅ សម្រាប់ប្រមូលទិញស្រូវសែនក្រអូប នាងខុន ពោត និងកសិករផលផ្សេងៗទៀត។

ប្រភេទឥណទាន

សម្គាល់៖ លក្ខខណ្ឌផ្សេងៗទៀត ត្រូវបានអនុវត្ត

ឯកសារសម្រាប់ដាក់ពាក្យស្នើសុំឥណទាន

• អត្តសញ្ញាណប័ណ្ណសញ្ជាតិខ្មែរ និងសៀវភៅគ្រួសារ ឬសៀវភៅស្នាក់នៅ (ថតចម្លង)
• លិខិតអនុញ្ញាតអាជីវកម្ម ដែលទទួលស្គាល់ដោយស្ថាប័នអាណាព្យាបាល
• ប័ណ្ណប៉ាតង់ដែលមានសុពលភាព
• លិខិតប្រកាសសន្និធិ (ស្រូវ-អង្ករ,ពោត និងសនិ្នធិផ្សេងៗទៀត)
• ឯកសារគាំទ្រចំណូល-ចំណាយ និងឯកសារតម្រូវផ្សេងៗទៀត (បើមាន)