គណនីព្រះសង្ឃ និងគណនីមូលនិធិវត្ត

គណនីព្រះសង្ឃ និងគណនីមូលនិធិវត្ត (Monk Account and Pagoda Fund Account) គឺជាផលិតផលប្រាក់បញ្ញើមួយប្រភេទរបស់ធនាគារ ARDB ដែលអនុញ្ញាតប្រគេនព្រះសង្ឃ អង្គភាពព្រះពុទ្ធសាសនា (វត្ត) និងសមាគមព្រះពុទ្ធសាសនា អាចបើកគណនីបញ្ញើសន្សំ សម្រាប់គ្រប់គ្រង និងចាត់ចែងសាច់ប្រាក់ មូលនិធិវត្ត ឬបច្ច័យផ្សេងៗ។ គោលបំណងក្នុងការបង្កើតគណនីព្រះសង្ឃ និងគណនីមូលនិធិវត្ត គឺដើម្បី៖

• ការពារសុវត្ថិភាពពាក់ព័ន្ធនឹងការបរិច្ចាគ បច្ច័យ ដែលប្រគេនឱ្យព្រះសង្ឃ
• សម្រួលដល់ការទទួលបានបច្ច័យពីបុគ្គលិក អង្គការ និងស្ថាប័នរដ្ឋាភិបាលនានា
• លើកកម្ពស់ការគ្រប់គ្រងហិរញ្ញវត្ថុ
• លើកទឹកចិត្តដល់ព្រះសង្ឃក្នុងការប្រើប្រាស់ហិរញ្ញវត្ថុ ស្របតាមបរិបទឌីជីថល
• លើកកម្ពស់ការជឿទុកចិត្តពីម្ចាស់ជំនួយ សហគមន៍ និងគណៈគ្រប់គ្រងវត្ត។

ប្រភេទគណនី៖

1. គណនីប្រាក់បញ្ញើសន្សំ
2. គណនីប្រាក់បញ្ញើមានកាលកំណត់

អត្រាការប្រាក់៖

1. គណនីប្រាក់បញ្ញើសន្សំ

2. គណនីប្រាក់បញ្ញើមានកាលកំណត់

សមតុល្យដំបូង៖

លក្ខខណ្ឌតម្រូវ៖

1. សម្រាប់គណនីព្រះសង្ឃ
   • លិខិតសម្គាល់ព្រះសង្ឃ (ឆាយា សង្ឃដីកា ឬសុទ្ធិប័ត្រ) ច្បាប់ដើម ដែលមានបិទរូបថត និង/ឬ អត្តសញ្ញាណប័ណ្ណសញ្ជាតិខ្មែរ
   • អាសយដ្ឋានទំនាក់ទំនង មានបញ្ជាក់ក្នុងលិខិតសម្គាល់ព្រះសង្ឃ
   • មានលេខទូរស័ព្ទចល័ត និង/ឬអ៊ីម៉ែល
2. សម្រាប់គណនីមូលនិធិវត្ត
   • លិខិតសម្គាល់ព្រះសង្ឃ (ឆាយា សង្ឃដីកា ឬសុទ្ធិប័ត្រ) ច្បាប់ដើម ដែលមានបិទរូបថត
   • ឯកសារសម្គាល់អត្តសញ្ញាណរបស់សមាជិកគណនី ដូចជា លិខិតសម្គាល់ព្រះសង្ឃ និង/ឬអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន របស់គណៈកម្មការវត្ត ឬគណៈគ្រប់គ្រងសមាគមព្រះពុទ្ធសាសនា
   • សេចក្តីសម្រេចស្តីពីការតែងតាំងចៅអធិការវត្ត ឬប្រធានសមាគមព្រះពុទ្ធសាសនា
   • រចនាសម្ព័ន្ធគ្រប់គ្រងដែលមានសមាសភាពសមាជិក-សមាជិកា គណៈកម្មការវត្ត ឬគណៈគ្រប់គ្រងសមាគមព្រះពុទ្ធសាសនា
   • លក្ខន្តិកៈរបស់វត្ត ឬសមាគមព្រះពុទ្ធសាសនា ដែលសមស្របតាមសភាពជាក់ស្ដែង
   • លិខិតអនុញ្ញាត ឬសេចក្តីសម្រេចរបស់ក្រសួងធម្មការ និងសាសនា ដូចជា ៖ សេចក្តីសម្រេចឱ្យដំណើរការវត្ត ឬលិខិតអនុញ្ញាតដែលពាក់ព័ន្ធនឹងឈ្មោះរបស់វត្ត ឬវិញ្ញាបនបត្រព្រះពុទ្ធសាសនា ។ល។
   • សេចក្តីសម្រេចចិត្តរបស់ចៅអធិការ ប្រធានគណៈកម្មការវត្ត ឬប្រធានសមាគមព្រះពុទ្ធសាសនាលើការបើកគណនី
   • លិខិតផ្ទេរសិទ្ធិដល់បុគ្គលណាម្នាក់ជាតំណាងឱ្យវត្ត ឬសមាគមព្រះពុទ្ធសាសនា ឬឯកសារពាក់ព័ន្ធផ្សេងៗទៀត