គម្រោងពិពិធកម្មកសិកម្មកម្ពុជា (CASDP)

ទិដ្ឋភាពទូទៅគម្រោង

គម្រោងពិពិធកម្មកសិកម្មកម្ពុជា (CASDP) មានមូលនិធិសរុបចំនួន ១០១,៦៧ លានដុល្លារអាម៉េរិក ក្នុងនោះមានហិរញ្ញប្បទានឥណទានចំនួន ៩១,៦៧ លានដុល្លារអាម៉េរិក ពីធនាគារពិភពលោក និងបដិភាគរបស់រាជរដ្ឋាភិបាលកម្ពុជាចំនួន ១០ លានដុល្លារអាម៉េរិក។

គម្រោងត្រូវបានរៀបចំឡើង ក្នុងគោលបំណងសម្របសម្រួល​លើការអភិវឌ្ឍពិពិធកម្មខ្សែច្រវាក់តម្លៃកសិកម្មដែលនៅក្នុងទីតាំងភូមិសាស្រ្ត ដែលបានជ្រើសរើសក្នុងប្រទេសកម្ពុជា និងផ្តល់ការឆ្លើយតបឱ្យបានទាន់ពេលវេលា និងមានប្រសិទ្ធភាពចំពោះវិបត្តិ។

ធនាគារ ARDB ត្រូវបានជ្រើសរើសជាធនាគាររតនាគារ ដែលមានតួនាទីផ្តល់ឥណទានបោះដុំ ជូនគ្រឹះស្ថានហិរញ្ញវត្ថុដែលចូលរួមក្នុងគម្រោង (PFIs) ចំនួន ៣ រួមមាន៖ គ្រឹះស្ថានមីក្រូហិរញ្ញវត្ថុ អេ.អឹម.ខេ ភីអិលស៊ី, គ្រឹះស្ថានមីក្រូហិរញ្ញវត្ថុចម្រើន ម.ក និង ធនាគារប្រៃសណីយ៍កម្ពុជា ក.អ។ គ្រឹះស្ថានហិរញ្ញវត្ថុមានតួនាទីផ្តល់ឥណទានបន្តជូនអ្នកទទួលផលក្នុងគម្រោង ដូចជា កសិករ ក្រុមអ្នកផលិត សហគមន៍កសិកម្ម និងសហគ្រាសធុនតូចនិងមធ្យម ។

គម្រោងមានមូលនិធិសម្រាប់ផ្តល់ជាបន្ទាត់ឥណទាន​ចំនួន ៣០​ លាន​ដុល្លារអាមេរិក​ ដល់អ្នកទទួលផលដោយបានបែងចែកជាពីរច្រក រួមមាន៖

• ច្រកទូទៅ (General Window): មានមូលនិធិសរុបចំនួន ២០​ លាន​ដុល្លារអាម៉េរិក សម្រាប់ផ្តល់ឥណទានទៅលើគ្រប់តួអង្គនៃខ្សែច្រវាក់ផលិតផលកសិកម្មលើកលែងតែស្រូវ។
• Diversification Window) មានមូលនិធិសរុបចំនួន​ ១០​ លាន​ដុល្លារ​អាម៉េរិក​ សម្រាប់ផ្គូរផ្គងឥណទានដល់សហគមន៍និងសមាជិក ដែលទទួលបានជំនួយឥតសំណងចំនួន​៤០% នៃផែនការអាជីវកម្មសរុប ពីគម្រោង។

គម្រោងនេះអនុវត្តរយៈពេល ៧​ ឆ្នាំ (២០១៩-២០២៦) នៅក្នុងខេត្ត-ក្រុង គោលដៅ ចំនួន ១៥ រួមមាន៖ បាត់ដំបង មណ្ឌលគីរី ស្ទឹងត្រែង រតនគីរី ព្រះវិហារ សៀមរាប កណ្តាល កំពង់ស្ពឺ កំពង់ឆ្នាំង ពោធិ៍សាត់ បន្ទាយមានជ័យ ឧត្តរមានជ័យ កំពង់ធំ តាកែវ និងរាជធានីភ្នំពេញ ។

គួរកត់សម្គាល់ផងដែរថា គម្រោងត្រូវបានកែសម្រួលលក្ខខណ្ឌមួយចំនួន នៅចុងឆ្នាំ២០២៥ ដោយបន្ថែមតួនាទីរបស់ធនាគារ ARDB ក្នុងការផ្តល់ឥណទានដោយផ្ទាល់ដល់សហគមន៍កសិកម្ម និងសហគមន៍កសិកម្មទំនើប តាមរយៈច្រកពិពិធកម្ម។ គម្រោងត្រូវបានពន្យារពេលអនុវត្តរហូតដល់ ខែកក្កដា ឆ្នាំ២០២៦។

តួនាទីរបស់ ARDB នៅក្នុងគម្រោង

តួនាទីបន្ថែមរបស់ ARDB នៅក្នុងគម្រោង