បុគ្គលិករដ្ឋបាលឥណទានជាន់ខ្ពស់

យើងកំពុងស្វែងរកបេក្ខជនដែលមានសមត្ថភាព ដើម្បីបំពេញមុខតំណែងខាងក្រោម ៖

មុខតំណែង

បុគ្គលិករដ្ឋបាលឥណទានជាន់ខ្ពស់

កាលបរិច្ឆេទ៖ 05/10/2026 - ថ្ងៃផុតកំណត់៖ 30/10/2026

ចំនួនបេក្ខជនដែលត្រូវជ្រើសរើស ៖ 2 រូប

ទីតាំង ៖ Stung Treng, Kampong Thom

តួនាទី និងការទទួលខុសត្រូវចម្បងៗ

ពិនិត្យភាពត្រឹមត្រូវ ច្បាស់លាស់ និងលក្ខខណ្ឌតម្រូវនៃសំណុំឯកសារអតិថិជន មុននឹងបញ្ជូនទៅថ្នាក់គ្រប់គ្រងដើម្បីសុំការអនុម័ត។
តាមដានដំណើរការឯកសារដែលបានបញ្ជូន និងបំពេញបន្ថែមរាល់ឯកសារដែលខ្វះខាតឱ្យបានទាន់ពេលវេលា។
បញ្ចេញឥណទាន (Disbursement) ជូនអតិថិជនក្នុងប្រព័ន្ធធនាគារស្នូល។
រៀបចំកាត់កម្ចីឥណទានក្នុងប្រព័ន្ធតាមនីតិវិធី។
រៀបចំ ស្កេន និងរក្សាទុកសំណុំឯកសារឥណទានឱ្យមានរបៀបរៀបរយ សុវត្ថិភាព និងទាន់ពេលវេលាជូននាយកដ្ឋានពាក់ព័ន្ធ។
ចុះជួបអតិថិជនផ្ទាល់ដើម្បីប្រមូលឯកសារ ព័ត៌មានលម្អិត និងពិភាក្សាលើសំណើកម្ចី។
ចូលរួមផ្សព្វផ្សាយផលិតផល និងសេវាកម្មរបស់ធនាគារ ARDB ដល់អតិថិជនគោលដៅ។
ជំរុញការបញ្ចេញឥណទានឱ្យសម្រេចបានតាមផែនការប្រចាំខែ និងប្រចាំឆ្នាំ។
តាមដានការសងត្រឡប់របស់អតិថិជនជាប្រចាំ និងចូលរួមដោះស្រាយករណីឥណទានយឺតយ៉ាវឱ្យមានប្រសិទ្ធភាព។
បំពេញការងារផ្សេងៗទៀតតាមការចាត់តាំងរបស់ប្រធានការិយាល័យ។

គុណវុឌ្ឍិនិងសមត្ថភាព

មានកម្រិតសិក្សាចាប់ពី បរិញ្ញាបត្ររង ឬបរិញ្ញាបត្រ ឡើងទៅ លើជំនាញធនាគារ និងហិរញ្ញវត្ថុ, សេដ្ឋកិច្ច, គណនេយ្យ, គ្រប់គ្រងពាណិជ្ជកម្ម ឬសញ្ញាបត្រដែលមានតម្លៃប្រហាក់ប្រហែល។
មានបទពិសោធន៍ការងារយ៉ាងតិច ២ ទៅ ៣ ឆ្នាំឡើងទៅ ក្នុងវិស័យធនាគារ ឬមីក្រូហិរញ្ញវត្ថុ លើផ្នែករដ្ឋបាលឥណទាន (Credit Admin) ប្រតិបត្តិការឥណទាន (Credit Operations) ឬជាមន្ត្រីឥណទាន (Credit Officer)។
មានសមត្ថភាពប្រើប្រាស់ ភាសាអង់គ្លេស បានល្អ (ទាំងការប្រាស្រ័យទាក់ទង និងឯកសាររដ្ឋបាល)។
យល់ដឹងច្បាស់ពីប្រតិបត្តិការឥណទាន (Credit Operations) និងហិរញ្ញវត្ថុ។
យល់ដឹងពីការគ្រប់គ្រងហានិភ័យឥណទាន (Credit Risk Management) និងការស្រាវជ្រាវទីផ្សារ។
មានសមត្ថភាពវិភាគរបាយការណ៍ហិរញ្ញវត្ថុ របាយការណ៍ឥណទាន និងការវាយតម្លៃហានិភ័យលើឯកសារកម្ចី។
យល់ដឹងច្បាស់ និងប្រកាន់ខ្ជាប់នូវ ស្តង់ដារវិជ្ជាជីវៈផ្នែកឥណទាន និងនីតិវិធីច្បាប់ពាក់ព័ន្ធនឹងកម្ចី។
មានចំណេះដឹង ឬបទពិសោធន៍ប្រើប្រាស់ប្រព័ន្ធធនាគារស្នូល (Core Banking System)។

ប្រាក់បៀវត្សន៍ និងអត្ថប្រយោជន៍ផ្សេងៗ

ប្រាក់បៀវត្សសមរម្យតាមទីផ្សារការងារ
ការដំឡើងប្រាក់បៀវត្សប្រចាំឆ្នាំ ប្រាក់រង្វាន់ស្នាដៃការងារល្អ ប្រាក់អតីតភាពការងារ
ទទួលបានប្រាក់ឧបត្ថម្ភសម្រាប់ការសម្រាលបុត្ររបស់និយោជិត ឬភរិយារបស់និយោជិត
ទទួលបានប្រាក់ឧបត្ថម្ភផ្សេងលើថ្លៃ សុខភាព សិក្សាបង្កើនសមត្ថភាព ឯកសណ្ឋាន អាហារប្រចាំថ្ងៃ ការធ្វើការបន្ថែមម៉ោងជាដើម
ទទួលបានការធានារ៉ាប់រងលើគ្រោះថ្នាក់ និងសុខភាព ពីក្រុមហ៊ុនឯកជន និង បសស
ធ្វើការ ៥ថ្ងៃក្នុងមួយសប្ដាហ៍ (ពីថ្ងៃច័ន្ទ ដល់ ថ្ងៃសុក្រ)
ទទួលបានការឈប់សម្រាក់ប្រចាំឆ្នាំ និង បុណ្យជាតិតាមអនុក្រឹត្យរបស់រាជរដ្ឋាភិបាល
ទទួលបានឳកាសបណ្តុះបណ្តាលជាច្រើន។

របៀបដាក់ពាក្យ

បេក្ខជនដែលមានចំណាប់អារម្មណ៍ សូមផ្ញើ CV មកតាមរយៈ jobs@ardb.com.kh ឬពិនិត្យមើលព័ត៌មានលម្អិត.

មានតែបេក្ខជនដែលជាប់បញ្ជីសម្រាំងតែប៉ុណ្ណោះដែលត្រូវបានទាក់ទងសម្ភាសន៍។
ធនាគារអភិវឌ្ឍន៍ជនបទ និងកសិកម្ម ជានិយោជកដែលផ្តល់ឱកាសស្មើគ្នា អនុវត្តយ៉ាងតឹងរ៉ឹងជាមួយច្បាប់ការងាររបស់កម្ពុជា និងបទប្បញ្ញត្តិផ្សេងៗទៀត។