ស្រុកភ្នំព្រឹក៖ គម្រោងកាត់បន្ថយភាពក្រីក្រ ជាគម្រោងដែលផ្តួចផ្តើមដ៏ខ្ពង់ខ្ពស់របស់ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB ក្នុងគោលបំណងផ្តល់ឱកាសការងារក្នុងស្រុកជូនដល់កសិករក្រីក្រ និងពលករ ដែលទើបវិលត្រឡប់ពីក្រៅប្រទេស។
គម្រោងនេះ មានគោលដៅអនុវត្តឱ្យបានទូទាំងប្រទេស ជាពិសេសតំបន់ជនបទ និងតំបន់ជាប់ព្រំដែន តាមរយៈ ការដាំដុះបន្លែសុវត្ថិភាពក្នុងផ្ទះសំណាញ់។ បច្ចុប្បន្ននេះ គម្រោងបាននិងកំពុងសិក្សាពង្រីកការអនុវត្ត នៅក្នុងខេត្តចំនួន ៣ បន្ថែមទៀត រួមមាន៖ ខេត្តព្រះវិហារ, ឧត្ដរមានជ័យ និងបន្ទាយមានជ័យ។
រួមគ្នាគាំទ្រកសិករខ្មែរយើង និងកសាងវិស័យកសិកម្មកម្ពុជា ឱ្យកាន់តែរីកចម្រើន។
