ព័ត៌មានថ្មីៗ

ខេត្តព្រះវិហារ៖ នាព្រឹកថ្ងៃទី៥ ខែសីហា ឆ្នាំ២០២៥, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល និងលោកជំទាវ ព្រមទាំងសហការី-តំណាងសប្បុរសជនពីក្រុមហ៊ុន City Rice, រោងម៉ាស៊ីន ស៊ីវឡាយ និង ជាពិសេសតំណាងសប្បុរសជនពីសហគមន៍ខ្មែរនៅទីក្រុងហាមីលតុន អូក្លិន និងហកស្បេ ប្រទេសនូវែលហ្សេឡង់ បានបន្តដំណើរចុះសួរសុខទុក្ខដល់វីរកងទ័ពដែលរងរបួសដោយសារសង្គ្រាមឈ្លានពានរំលោភដែនអធិបតេយ្យភាពកម្ពុជាពីសំណាក់ប្រទេសសៀម ដែលកំពុងសម្រាកព្យាបាលនៅមន្ទីពេទ្យ។ ក្នុងនោះ ឯកឧត្តមបណ្ឌិត និងលោកជំទាវ ព្រមទាំងសប្បុរសជន ក៏បាននាំយក នូវថវិកា, ផ្លែឈឺ ម្ហូបអាហារ និង សម្ភារប្រើប្រាស់ ជូនដល់បងប្អូនវិរកងទ័ពយើង ដើម្បីសំដែងនូវការដឹងគុណ សម្រាប់ការលះបង់ដ៏ធំធេងដើម្បីការពារបូរណៈភាពដែនដីខ្មែរ ពីការឈ្លានពានដោយកងទ័ពសៀម ។ ក្នុងនាមថ្នាក់ដឹកនាំ ព្រមទាំងបុគ្គលិកទាំងអស់នៃធនាគារ ARDB និងសប្បុរសជនក្នុង និងក្រៅប្រទេសបានឃើញហើយគួរឱ្យស្រណោះអាណិតយ៉ាងខ្លោចចិត្តនូវវីរភាពតស៊ូប្ដូរជីវិតដើម្បីការពារបូរណភាពទឹកដីនិងប្រជាជនខ្មែរយើង រហូតដល់ពិការ និងរងរបួស។ យើងខ្ញុំសូមប្តេជ្ញាបន្តនូវស្មារតីខ្មែរជួយខ្មែរ ខ្មែរតែមួយ និងដឹងគុណ ចំពោះវីរភាពរបស់កងទ័ព ដែលបានពលីសាច់ស្រស់ឈាមស្រស់ ដើម្បីជាតិមាតុភូមិកម្ពុជាយើង។

ឧត្តរមានជ័យ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល និងលោកជំទាវ ព្រមទាំងសហការី-សប្បុរសជនក្នុងនិងក្រៅប្រទេស បានចុះសួរសុខទុក្ខបងប្អូនប្រជាពលរដ្ឋដែលកំពុងភៀសសឹកពីតំបន់មានជម្លោះព្រំដែនកម្ពុជា-ថៃ ដែលកំពុងស្នាក់អាស្រ័យបណ្តោះអាសន្ននៅមណ្ឌលសុវត្ថិភាព។ ជាពិសេស បានរៀបចំនូវសម្ភារប្រើប្រាស់ចាំបាច់មួយចំនួន និងស្បៀងអាហារផ្ញើជូនវីរកងទ័ពនៅជួរមុខ ដោយការដឹងគុណ ចំពោះវីរភាព និងការលះបង់យ៉ាងធំធេងមិនអាចកាត់ថ្លៃបានដើម្បីជាតិមាតុភូមិ។ កម្មវិធីនេះបានប្រព្រឹត្តទៅនាព្រឹកថ្ងៃទី៤ ខែសីហា ឆ្នាំ២០២៥។ ក្នុងស្មារតីសាមគ្គីជាតិខ្មែរ ខ្មែរជួយខ្មែរ និងការចូលរួមចំណែកជាមួយរាជរដ្ឋាភិបាលកម្ពុជា, ឯកឧត្តមបណ្ឌិត កៅ ថាច និងលោកជំទាវ ព្រមទាំងសហការី-សប្បុរសជនក្នុងនិងក្រៅប្រទេស បាននាំយកស្បៀងអាហារនិងសម្ភារៈ ជូនដល់ប្រជាជនភៀសសឹកចំនួន 2,650 គ្រួសារ, ឧបត្ថមជូនក្រុមគ្រូទេព្យស្ម័គ្រចិត្តប្រចាំមណ្ឌល និងសម្ភារសំខាន់ៗមួយចំនួនជូនវីរកងទ័ពកម្ពុជាជួរមុខ គិតជាទឹកប្រាក់សរុបរួមចំនួន 73,508.29 ដុល្លារអាមេរិក ដោយក្នុងនោះទទួលបានការចូលរួមពី៖ (ទី១). ឯកឧត្តមបណ្ឌិត កៅ ថាច និងលោកជំទាវ ព្រមទាំងថ្នាក់ដឹកនាំ និងបុគ្គលិក ធនាគារ ARDB ចំនួន 39,901.29 ដុល្លារ, (ទី២) ក្រុមហ៊ុន City Rice ចំនួន 8,300 ដុល្លារ, […]

រាជធានីភ្នំពេញ ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំកិច្ចប្រជុំថ្នាក់ដឹកនាំ ដើម្បីពិនិត្យ និងពិភាក្សាអំពី៖ វឌ្ឍនភាពការងារសំខាន់ៗរបស់ធនាគារ ARDB ដែលអនុវត្តស្របតាមផែនការសកម្មភាពប្រចាំឆ្នាំរបស់ធនាគារ ARDB, ការពិនិត្យ តាមដានពីស្ថានភាពថ្មីៗ និងការរៀបចំយន្តការដោះស្រាយចាំបាច់បន្ទាន់ នាព្រឹកថ្ងៃព្រហស្បតិ៍ ទី៣១ ខែកក្កដា ឆ្នាំ២០២៥, នៅទីស្នាក់ការកណ្តាលរបស់ធនាគារអភិវឌ្ឍន៍ជនបទ និងកសិកម្ម (ARDB)។

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) រួមទាំងសហការី បានអនុញ្ញាតឱ្យក្រុមការងារស្រាវជ្រាវអញ្ជើញមកពី Australia Awards Cambodia ក្រោមជំនួយរបស់រដ្ឋាភិបាលអូស្រា្តលី ពិគ្រោះយោបល់សម្រាប់ការសិក្សាស្រាវជ្រាវលើប្រធានបទស្តីពី “Unlocking New Source of Agriculture’s Growth: Assessing Roles of Finance to Modern Agriculture”។ ការសិក្សាស្រាវជ្រាវនេះមានគោលបំណងស្វែងយល់ពីតួនាទីរបស់គ្រឹះស្ថានហិរញ្ញវត្ថុក្នុងការគាំទ្រដល់សហគមន៍កសិកម្មទំនើប ដើម្បីមានមូលដ្ឋានរៀបចំគោលនយោបាយដែលគាំទ្រដល់ការអភិវឌ្ឍប្រកបដោយចីរភាពក្នុងវិស័យកសិកម្ម។ កិច្ចប្រជុំនេះ បានប្រព្រឹត្តទៅនៅការិយាល័យកណ្តាលរបស់ធនាគារ ARDB នាព្រឹកថ្ងៃព្រហស្បតិ៍ ១៤រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែកក្កដា ឆ្នាំ២០២៥។

ដោយមានការសម្របសម្រួលពី ធនាគារជាតិអភិវឌ្ឍន៍កសិកម្ម និងជនបទ ឥណ្ឌា (NABARD) , នាថ្ងៃទី១៩ ខែកក្កដា ឆ្នាំ២០២៥ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំគណៈប្រតិភូធនាគារ ARDB បំពេញទស្សនកិច្ចសិក្សានៅកសិដ្ឋាន សាយាទ្រី (Sahyadri Farms) ដែលជាកសិដ្ឋានដ៏ធំមួយ ក្នុងប្រទេសឥណ្ឌា ផ្តោតលើការធ្វើសមាហរណកម្មនៃខ្សែច្រវាក់តម្លៃផលិតកម្មបន្លែ និងផ្លែ-ឈើ។ កសិដ្ឋាន សាយាទ្រី គឺជាកសិដ្ឋានមួយដែលទទួលបានការគាំទ្រពី ធនាគារជាតិអភិវឌ្ឍន៍កសិកម្ម និងជនបទ ប្រទេសឥណ្ឌា (NABARD) និងជាកន្លែងប្រមូលផ្តុំកែច្នៃកសិផល (Argo-processing Complex) ចម្បងៗ ដូចជា គ្រាប់ស្វាយចន្ទី គ្រាប់អ៊ាល់ម៉ុន ផ្លែស្វាយ ផ្លែទំពាំងបាយជូ ពោត ប៉េងប៉ោះ ផ្លែទទឹម និងផ្លែក្រូច ជាដើម។ កសិដ្ឋាន សាយាទ្រី នេះផងដែរ ត្រូវបានបង្កើតឡើងក្រោមទម្រង់ជាក្រុមហ៊ុនសហករ (Farmers Producers Company) ដែលមានប្រជាកសិករជាម្ចាស់ភាគហ៊ុន ក្នុងគោលដៅបង្កើនផលចំណេញ […]

សេចក្តីប្រកាសព័ត៌មានស្តីពីការចុះអនុស្សរណៈយោគយល់គ្នារវាងធនាគារអភិវឌ្ឍន៍ជនបទ និងកសិកម្ម (ARDB) និង ធនាគារជាតិអភិវឌ្ឍន៍ជនបទ និងកសិកម្ម ប្រទេសឥណ្ឌា (National Bank For Agriculture and Rural Development – NABARD) នាថ្ងៃសុក្រ ៨រោច ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៨ ខែកក្កដា ឆ្នាំ២០២៥ នៅទីក្រុងម៉ុមបៃ ប្រទេសឥណ្ឌា, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម បានចូលរួមជាអធិបតីក្នុងពិធីចុះអនុស្សរណៈយោគយល់គ្នារវាងធនាគារអភិវឌ្ឍន៍ជនបទ និងកសិកម្ម (ARDB) និងធនាគារជាតិអភិវឌ្ឍន៍ជនបទ និងកសិកម្ម ប្រទេសឥណ្ឌា (National Bank For Agriculture and Rural Development – NABARD) ដែលជាធនាគារអភិវឌ្ឍន៍ឥណ្ឌាផ្តោតលើការផ្តល់ហិរញ្ញប្បទានអភិវឌ្ឍន៍នៅតំបន់ជនបទ។ អនុស្សរណៈយោគយល់នេះ មានគោលបំណងពង្រីកកិច្ចសហប្រតិបត្តិការរវាងធនាគារអភិវឌ្ឍន៍នៃប្រទេសកម្ពុជា និងធនាគារអភិវឌ្ឍន៍នៃប្រទេសឥណ្ឌា ក្រោមទម្រង់ការបង្កើតជាថ្នាលសម្រាប់ការចែករំលែកឧត្តមានុវត្តន៍លើនវានុវត្តន៍ហិរញ្ញប្បទានកសិកម្ម ពិសេសការធ្វើឌីជីថលូបនីយកម្មទៅក្នុងការផ្តល់ហិរញ្ញប្បទានខ្សែច្រវាក់ផលិតកម្មកសិកម្ម និងកសិ-ឧស្សាហកម្ម។ លើសពីនេះទៅទៀត, […]

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) រួមទាំងសហការី បានអនុញ្ញាតឱ្យ លោក KUSUNOKI RISEEI, ប្រធានក្រុមប្រឹក្សាភិបាលសហគមន៍ខ្មែរនៅជប៉ុន(NPO) និងតំណាងក្រុមហ៊ុនជប៉ុន ចូលជួបសម្ដែងការគួរសម និងពិភាក្សាលើ ការស្វែងរកឱកាសកិច្ចសហប្រតិបត្តិការរវាងធនាគារ ARDB និងក្រុមហ៊ុនជប៉ុន លើគម្រោងសាងសង់រោងចក្រកែច្នៃសម្រាប់នាំចេញផលិតផលកសិកម្មកម្ពុជាទៅជប៉ុន និងកិច្ចសហប្រតិបត្តិការផ្សេងទៀត ដើម្បីជំរុញការវិនិយោគលើវិស័យកសិកម្ម​​ និងការអភិវឌ្ឍសេដ្ឋកិច្ចជនបទ នៅកម្ពុជា។កិច្ចប្រជុំនេះ បានរៀបចំឡើងនៅ ទីស្នាក់ការកណ្តាលរបស់ធនាគារអភិវឌ្ឍន៍ជនបទ និងកសិកម្ម (ARDB) នាព្រឹកថ្ងៃអង្គារ ៥រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងទី១៥​ ខែកក្កដា ឆ្នាំ២០២៥។

ARDB: ថ្ងៃទី១៥ ខែកក្កដា ឆ្នាំ២០២៥, ស្របពេលក្នុងដំណើរបេសកកម្ម ចុះ ពិនិត្យមើល ការទិញ លក់ និងស្តុកទុក ពោតក្រហម និង ដំឡូងមី នៅតាមបណ្តាខេត្តជាប់ព្រំប្រទល់ខ្មែរ – ថៃ, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារ ARDB បាន ឆ្លៀតពេលចុះ សួរសុខទុក្ខ និងផ្តល់ជាកម្លាំងចិត្ត ជូនដល់បងប្អូនកងកម្លាំង ជាទាហាន នាយទាហាន ចំណុះ ឱ្យ កងពលតូចអន្តរាគមន៍លេខ៨ ដែលកំពុងបំពេញបេសកកម្ម ឈរជើងតាមបណ្តាគោលដៅ សំខាន់ៗ ដើម្បីការពារបូរណភាពទឹកដីកម្ពុជា។ ជាមួយគ្នានេះ, ឯកឧត្តមបណ្ឌិត បានធ្វើការឧបត្ថម្ភ សូឡា ជូនដល់កងពលតូចអន្តរាគមន៍លេខ៨ ចំនួន ១៣ ឈុត ដើម្បីធ្វើការដំឡើងបន្ថែម តាមគោលដៅមួយចំនួន ក្នុងនោះរួមមាន៖ – ផ្ទាំងសូឡា កម្លាំង ៥៥០ វ៉ាត់ ចំនួន ១៣២ សន្លឹក […]

អគ្គនាយកធនាគារARDB ស្នើឲ្យម្ចាស់ឡសម្ងួតពោតក្រហមធំៗ និងឃ្លាំងស្តុក ក្នុងខេត្តប៉ៃលិន បាត់តំបង និងបន្ទាយមានជ័យ ជួយបង្កើនការទិញពោតពីកសិករ អោយអស់ពីលទ្ធភាព និងស្របតាមតម្លៃទីផ្សារ ============= ប៉ៃលិន-បន្ទាយមានជ័យ : ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួកបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម និង តំណាងក្រុមហ៊ុនហង្ស ហាវេស នៅរសៀលថ្ងៃទី១៤ ខែកក្កដា ឆ្នាំ២០២៥នេះ បានអញ្ជើញចុះពិនិត្យមើល ឡសម្ងួត និងឃ្លាំងស្តុកទុកពោតក្រហមធំៗស្ថិតនៅក្នុងទីតាំងមួយចំនួន ក្នុងមូលដ្ឋានស្រុកម៉ាឡៃ ខេត្តបន្ទាយមានជ័យ និងស្រុកសាលាក្រៅ ខេត្តប៉ៃលិន និងនៅឃុំស្នឹង ស្រុកបាណន់ ខេត្តបាត់ដំបង។ នៅក្នុងឱកាសអញ្ជើញចុះពិនិត្យ នៅបណ្តាខេត្តជាប់តាមបណ្តោយព្រំដែនកម្ពុជា-ថៃ ឯកឧត្តមបណ្ឌិត កៅ ថាច បានស្នើសុំឲ្យម្ចាស់ សីឡូ ទទួលទិញពោតក្រហម ក្នុងខេត្តប៉ៃលិន បាត់ដំបង និងបន្ទាយមានជ័យ សូមជួយបន្តទិញ ពោតក្រហម ឲ្យបានកាន់តែច្រើនពីកសិករ អោយអស់ពីលទ្ធភាព និងស្របតាមតម្លៃទីផ្សារ ជាពិសេស នៅចុងខែកក្កដាខាងមុខនេះគឺដល់ការប្រមូលផលពេញធំ។ បន្ថែមពីនេះ សូមទាំងអស់គ្នា មេត្តា​ជួយទិញតម្លៃពី​ ៥៣០៛​ […]

ឯកឧត្តមបណ្ឌិត កៅ ថាច និងសហការី អញ្ជើញចុះសាកសួរសុខទុក្ខកសិករដាំដុះបន្លែផ្ទះសំណាញ់ ១៣គ្រួសារ ស្ថិតក្នុងគម្រោងកាត់បន្ថយភាពក្រីក្រ របស់ធនាគារ ARDB បាត់ដំបង៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួកបន្ទុក ជាអគ្គនាយកធនាគារអភិវឌ្ឍន៍ជនបទ និងកសិកម្ម និងសហការី នៅព្រឹកថ្ងៃទី១៤ ខែកក្កដានេះ បានអញ្ជើញចុះសាកសួរសុខទុក្ខបងប្អូនជាកសិករអ្នកផលិតបន្លែផ្ទះសំណាញ់ចំនួន ១៣គ្រួសារស្មើ ៥២ខ្នងផ្ទះ ដែលមានទីតាំង ស្ថិតនៅឃុំពេជ្រចិន្តា ស្រុកភ្នំព្រឹក ខេត្តបាត់ដំបង។ ប្រជាកសិករចំនួន ១៣គ្រួសារខាងលើ ពួកគាត់មកពីឃុំ និងស្រុកផ្សេងៗគ្នា ក្នុងខេត្តបាត់ដំបង និងខ្លះទៀតធ្លាប់ចំណាកស្រុកទៅធ្វើការនៅប្រទេសថៃ ប៉ុន្តែពេលនេះបានក្លាយជាកម្លាំងផលិតបន្លែមួយដ៏សកម្មបំផុតនៅសហគមន៍ នៃគម្រោងកាត់បន្ថយភាពក្រីក្រ គាំទ្រដោយធនាគារ ARDB។ ក្នុងឱកាសអញ្ជើញពិនិត្យកន្លែងផលិត និងដាំដុះបន្លែផ្ទះណាញ់របស់កសិករទាំង១៣ គ្រួសារខាងលើ ឯកឧត្តមបណ្ឌិតប្រតិភូបានលើកទឹកចិត្តដល់ ប្រធានគម្រោងខេត្តពង្រីកផ្ទៃដីដាំដុះ និងបង្កើនគ្រួសារអ្នកផលិតបន្ថែមទៀត ដើម្បីចូលរួមកាត់បន្ថយភាពក្រីក្រនៅជនបទ។ សូមជម្រាបថា គម្រោងកាត់បន្ថយភាពក្រីក្រ គាំទ្រដោយធនាគារ ARDB ក្រោមការផ្ដួចផ្ដើមដោយ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអគ្គនាយកធនាគារអភិវឌ្ឍន៍ជនបទ និងកសិកម្ម។ គម្រោងបានចាប់ផ្ដើមដំណើរការសាងសង់ផ្ទះសំណាញ់ […]