ព័ត៌មានថ្មីៗ

ក្រុមប្រឹ​ក្សាភិបាលនៃធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានបើកកិច្ចប្រជុំក្រុមប្រឹ​ក្សាភិបាល អាណត្តិទី១០ លើ​ក​​​ទី១ ដើម្បីត្រួតពិនិត្យ ពិភាក្សា និងអនុម័ត​​លើ៖ របាយការណ៍ស្ដីពីសមិទ្ធផល និងវឌ្ឍនភាពការងារសម្រាប់ឆមាសទី១ និងទិសដៅការងារឆមាសទី២ ឆ្នាំ២០២៦ សមាសភាពនៃគណៈកម្មការទាំងពីរ​របស់ក្រុមប្រឹក្សាភិបាល និងគណៈកម្មការផ្សេងៗ របាយការណ៍សវនកម្មផ្ទៃក្នុងសម្រាប់ត្រីមាសទី២ ឆ្នាំ២០២៦ និងរបៀបវារៈផ្សេងៗ។ ​​​ឆ្លៀតក្នុងឱកាសនេះ ឯកឧត្តមប្រធានក្រុមប្រឹក្សាភិបាល​នៃ ​ធ.អ.ជ.ក. បានថ្លែងកោតសរសើរ​ចំពោះសមិទ្ធផល និងវឌ្ឍនភាពការងារសម្រាប់ឆមាសទី១ ឆ្នាំ២០២៦ និងបានផ្តល់អនុសាសន៍ឱ្យបន្តខិតខំ​ប្រឹងប្រែង​បំពេញការងារតាមផែនការដើម្បីសម្រេចបានសមិទ្ធផលកាន់តែប្រសើរនៅដំណាច់ឆ្នាំ២០២៦។ កិច្ច​ប្រជុំនេះ​ត្រូវបានរៀបចំឡើង​ក្រោមអធិបតីភាពដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខា​ធិការ នៃ​ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល​នៃ ​ធ.អ.ជ.ក. នារសៀលថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ព.ស.ពីរពាន់ប្រាំរយចិតសិប ត្រូវនឹងថ្ងៃទី៧ ខែសីហា ឆ្នាំ២០២៦។

ឯកឧត្តមបណ្ឌិត កៅ ថាច អគ្គនាយកធនាគារ ARDB បានចូលរួមកម្មវិធីបឋកថាសាធារណៈ ស្តីពី “ការធ្វើពិពិធកម្មសេដ្ឋកិច្ច និងបញ្ហាប្រឈមប្រទេសមានចំណូលមធ្យម៖ ដំណើរកម្ពុជាឆ្ពោះទៅរកការបោះជំហានមួយកម្រិតទៀត – Economic Diversification and Middle-Income Challenges: Navigating Cambodia to the Next Level” ========= តបតាមការអញ្ជើញរបស់សាស្រ្តាចារ្យបណ្ឌិត នាក់ ចន្ទដារិទ្ធ នាយកវិទ្យាស្ថានអន្តរជាតិ និងគោលនយោបាយសាធារណៈ (IISPP) នៃសាកលវិទ្យាល័យភូមិន្ទភ្នំពេញ (RUPP) ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានចូលរួមកម្មវិធីបឋកថាសាធារណៈ ស្តីពី “ការធ្វើពិពិធកម្មសេដ្ឋកិច្ច និងបញ្ហាប្រឈមសម្រាប់ប្រទេសមានចំណូលមធ្យម៖ ដំណើរកម្ពុជាឆ្ពោះទៅរកការបោះជំហានមួយកម្រិតទៀត – Economic Diversification and Middle-Income Challenges: Navigating Cambodia to the Next Level” ដែលធ្វើបឋកថាដោយសាស្រ្តាចារ្យ […]

នៅថ្ងៃទី៦ ខែសីហា ឆ្នាំ២០២៦ ធនាគារអភិវឌ្ឍន៍ជនបទ និងកសិកម្ម(ARDB)បានរៀបចំកិច្ច​ប្រជុំ​ថ្នាក់ដឹកនាំARDBដើម្បីត្រួតពិនិត្យវឌ្ឍនភាពការងារក្នុងឆមាសទី១ និងផែនការការងារឆមាសទី២ ឆ្នាំ២០២៦ ស្របតាមផែនការ៣ឆ្នាំរំកិលរបស់ធនាគារ។ កិច្ចប្រជុំបានប្រព្រឹត្តទៅក្រោមអធិបតីភាពឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក​ជា​អគ្គនាយកARDB ឯកឧត្តមអគ្គនាយករង លោក លោកស្រីជាប្រធាន អនុប្រធាននាយកដ្ឋាន និងជាតំណាង។ ​ នាឱកាសនោះឯកឧត្តមបណ្ឌិតប្រតិភូបានផ្តល់អនុសាសន៍ណែនាំដល់សហការីក្រោមឱវាទ ក្នុងការលើក​កម្ពស់ប្រសិទ្ធភាពការងារតាមរយៈការពិនិត្យឡើងវិញនូវរបៀបនៃការអនុវត្តន៍ការងារ ពង្រឹងស្តង់ដារការងារ និងបង្កើននូវគំនិតបង្កើតថ្មីបន្ថែមទៀត សំដៅជំរុញឱ្យការផ្តល់សេវាកម្ម​និងផលិតផល​របស់ធនាគារបាន​កាន់តែល្អប្រសើរដល់អតិថិជន។ សូមបញ្ជាក់ថាកិច្ចប្រជុំនេះមានរយៈពេល២ថ្ងៃចាប់ពីថ្ងៃទី៦ និងទី៧ ខែសីហា ឆ្នាំ២០២៦ នៅក្រុងពោធិ៍សាត់ ខេត្តពោធិ៍សាត់។

នៅព្រឹកថ្ងៃទី៦ ខែសីហា ឆ្នាំ២០២៦នេះ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងសហការីបានអញ្ជើញចូលរួមកិច្ចប្រជុំផ្នែកកម្មន្តសាលសហគ្រាសធុនតូច និងមធ្យម និងសេវាក្រុម”គ”នៃវេទិការាជរដ្ឋាភិបាល-ផ្នែកឯកជន។ ប្រព្រឹតិ្តទៅសណ្ឋាគារសុខាភ្នំពេញ រេស៊ីដង់។ កិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្មវិទ្យាសាស្រ្តបច្ចេកវិទ្យា និងនវានុវត្តន៍ កិច្ចប្រជុំនេះធ្វើឡើងក្នុងគោលបំណងបង្ហាញនូវរបាយការណ៍ក្រុមការងារវិស័យឯកជន ពីបញ្ហាប្រឈម ដំណោះស្រាយ និងសំណូមពររបស់ផ្នែកឯកជន។ សូមបញ្ជាក់ថានៅក្នុងកិច្ចប្រជុំនេះមានការអញ្ជើញចូលរួមពីតំណាងស្ថាប័នពាក់ព័ន្ធ និងវិស័យឯកជនប្រមាណ ២៥៦ រូប។

ទីស្ដីការក្រសួងពាណិជ្ជកម្ម៖ ថ្ងៃទី៤ ខែសីហា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយធនាគារអភិវឌ្ឍន៍ជនបទ និងកសិកម្ម (ARDB), ឯកឧត្ដម បាន លឹម អគ្គនាយរងនៃធនាគារ ARDB ព្រមទាំងសហការី បានចូលរួមកិច្ចប្រជុំលើកទី១ នៃក្រុមការងារបច្ចេកទេសអន្តរក្រសួង ស្ថាប័ន ដើម្បីរៀបចំសេចក្ដីព្រាងគោលនយោបាយជាតិស្ដីពីដំឡូងមី ដំណាក់កាលទី២។ កិច្ចប្រជុំនេះ មានគោលបំណង៖ (១)-ប្រកាសសមាសភាពសមាជិក-សមាជិកា នៃក្រុមការងារបច្ចេកទេសអន្តរក្រសួង ស្ថាប័ន ដើម្បីរៀបចំសេចក្ដីព្រាងគោលនយោយបាយជាតិស្ដីពីដំឡូងមី ដំណាក់កាលទី២ និង (២)-ពិនិត្យពិភាក្សា និងផ្ដល់យោបល់លើការត្រៀមរៀបចំសេចក្ដីព្រាងគោលនយោបាយជាតិស្ដីពីដំឡូងមី ដំណាក់កាលទី២។ កិច្ចប្រជុំនេះ បានរៀបចំឡើងក្រោមអធិបតីភាព ឯកឧត្ដម រាជ រ៉ា រដ្ឋលេខាធិការ នៃក្រសួងពាណិជ្ជកម្ម និងជាប្រធានក្រុមការងារបច្ចេកទេសអន្តរក្រសួង ស្ថាប័ន ដើម្បីរៀបចំសេចក្ដីព្រាងគោលនយោយបាយជាតិស្ដីពីដំឡូងមី ដំណាក់កាលទី២ ព្រមទាំងមានការចូលរួមពី ឯកឧត្ដម លោកជំទាវ លោកឧកញ៉ា លោក លោកស្រី ដែលអញ្ជើញមកពីតំណាងក្រសួង ស្ថាប័ន ពាក់ព័ន្ធ ដែលសរុបប្រមាណ ៨០ […]

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំកិច្ចប្រជុំលើកទី២នៃគណៈកម្មាធិការឥណទានបៃតងក្រោមក្របខ័ណ្ឌកម្មវិធីហិរញ្ញប្បទានអាកាសធាតុនៅកម្ពុជា (CCFF) ដែលមានការចូលរួមពីតំណាងធនាគារអភិវឌ្ឍន៍កូរ៉េ (Korea Development Bank-KDB) ក្រុមហ៊ុន Mekong Strategic Capital (MSC) និងក្រុមការងារអនុវត្តកម្មវិធី CCFF (CCFF Working Group)។ គោលបំណងនៃកិច្ចប្រជុំនេះ រួមមាន៖ (១) ការពិនិត្យ និងវាយតម្លៃលើគម្រោងបៃតងក្រោមក្របខ័ណ្ឌកម្មវិធី CCFF (២) ផែនការបញ្ចេញឥណទានបៃតងជាបន្តបន្ទាប់ និង(៣) ការងារផ្សេងៗ។ ជាលទ្ធផលនៃកិច្ចប្រជុំគណៈកម្មាធិការឥណទានបៃតង (GCC) បានអនុម័តលើការផ្តល់ឥណទានដល់គម្រោងចំនួនបី (ក្នុងនោះឥណទានបោះដុំចំនួនមួយគម្រោង) ដែលមានគាំទ្រដល់វិស័យកសិកម្ម និងព្រៃឈើប្រកបដោយចីរភាព ប្រសិទ្ធភាពថាមពល ការប្រើប្រាស់ថាមពលកកើតឡើងវិញ និងប្រព័ន្ធដឹកជញ្ជូនដែលបំភាយឧស្ម័នផ្ទះកញ្ចក់ទាប។ បន្ថែមពីនេះ ឯកឧត្តមបណ្ឌិតប្រតិភូ ក៏បានផ្តល់អនុសាសន៍ណែនាំដល់ក្រុមការងារ CCFF WG ក្នុងការបន្តសិក្សា និងជំរុញការបញ្ចេញឥណទានបៃតង ស្របតាមវិស័យអាទិភាពនៃកម្មវិធី CCFF។ កិច្ចប្រជុំនេះបានប្រព្រឹត្តទៅនាពេលរសៀលថ្ងៃចន្ទ ០៥រោច ខែទុតិយាសាឍ ឆ្នាំមមី […]

តបតាមការអញ្ជើញរបស់អគ្គលេខាធិការដ្ឋាននៃព្រឹទ្ធសភា, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ចូលរួមសិក្ខាសាលាស្តីពី “ស្ថានភាពសេដ្ឋកិច្ចកម្ពុជា និងមាគ៌ាឆ្ពោះទៅឆ្នាំ២០៥០ ក្រោមអធិបតីភាព ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភាកម្ពុជា ដោយមានការចូលរួមពីតំណាងស្ថានទូតប្រចាំនៅកម្ពុជា សមាជិកព្រឹទ្ធសភា និងរដ្ឋសភា ក្រសួង-ស្ថាប័នពាក់ព័ន្ធ តំណាងដៃគូអភិវឌ្ឍន៍ និងគ្រឹះស្ថានអប់រំ ជាដើម នាថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ នៅវិមានសាមគ្គីភាពនៃព្រឹទ្ធសភា។ សិក្ខាសាលាដ៏មានសារៈសំខាន់នេះ បានសង្កត់ធ្ងន់ទៅលើស្ថានភាពសេដ្ឋកិច្ចកម្ពុជានាពេលបច្ចុប្បន្ន ការវិវត្តនានាដែលជះឥទ្ធិពលមកលើសេដ្ឋកិច្ចកម្ពុជា កាលានុវត្តភាពសម្រាប់សេដ្ឋកិច្ចកម្ពុជាក្នុងស្ថានភាពបច្ចុប្បន្ន និងយុទ្ធសាស្រ្តសម្រាប់ដំណើរឆ្ពោះទៅឆ្នាំ២០៥០។ បច្ចុប្បន្ននេះ សេដ្ឋកិច្ចកម្ពុជា កំពុងរងសម្ពាធពីភូមិសាស្រ្តនយោបាយតំបន់ និងសកល (សង្រ្គាមរុស្សី-អ៊ុយក្រែន និងសង្រ្គាមមជ្ឍឹមបូព៌ា) ការកើនឡើងតម្លៃប្រេងឥន្ទនៈ ជម្លោះព្រំដែនកម្ពុជា-ថៃ សម្ពាធម៉ាក្រូសេដ្ឋកិច្ចខាក្រៅ និងបញ្ហាប្រែប្រួលអាកាសធាតុ ជាដើម។ ស្របពេលនឹងវិបត្តិនេះ សេដ្ឋកិច្ចកម្ពុជា ក៏ទទួលបានកាលានុវត្តភាពក្នុងការបន្តពង្រឹង និងកែទម្រង់វិស័យគាំទ្រកំណើនសេដ្ឋកិច្ចកម្ពុជាឱ្យកាន់តែមានប្រសិទ្ធភាពខ្ពស់។ យុទ្ធសាស្រ្តសម្រាប់ដំណើរឆ្ពោះទៅឆ្នាំ២០៥០ គឺការវិនិយោគលើមូលធនមនុស្សដោយផ្តោតពីកុមារ […]

ភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ឯកឧត្តម ចាន់ សីហា អគ្គនាយករងនៃធនាគារ ARDB ព្រមទាំងសហការី នៅព្រឹកថ្ងៃទី៣១ ខែកក្កដា ឆ្នាំ២០២៦នេះ បានអញ្ជើញចូលរួមកិច្ចពិភាក្សាស្តីអំពី “អត្ថប្រយោជន៍ និងឱកាសនៃការទទួលបានការគាំទ្រហិរញ្ញប្បទានសម្រាប់ធុរកិច្ច” នៃវេទិកាថ្នាក់ជាតិស្តីពីហិរញ្ញប្បទានសម្រាប់ធុរកិច្ច ឆ្នាំ២០២៦ ដែលរៀបចំឡើងនៅសណ្ឋាគារ រ៉េស៊ីដង់ សុខាភ្នំពេញ។ នៅក្នុងកិច្ចពិភាក្សានោះ គឺក្រោមការសម្របសម្រួលដោយ លោក រ័ត្ន សោភ័ណ ប្រធានសមាគមធនាគារកម្ពុជា ព្រមទាំងវាគ្មិនកិត្តិយសរួមមាន លោក ណូ លីដា អគ្គនាយក CGCC, ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា, លោក ជា សុភ័ក្ត អគ្គនាយក SME Bank។ នៅក្នុងឱកាសកិច្ចពិភាក្សានោះ ឯកឧត្តម ចាន់ សីហា បានលើកឡើងថា ចំពោះ ធនាគារ ARDBកន្លងមក […]

រាជធានីភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៏ជនបទ និងកសិកម្ម (ARDB), ឯកឧត្តម បាន លឹម អគ្គនាយករង បានអញ្ជើញជាអធិបតីបើកសិក្ខាសាលាចែករំលែក (Lecture Series) លើកទី២ ស្តីពី “Fostering Forest-Positive commodity Value Chain in Cambodia”។ លោកបណ្ឌិត ជូ ផានិត អ្នកសេដ្ឋកិច្ចបរិស្ថាន និងជាសាស្ត្រាចារ្យរងនៅសាកលវិទ្យាល័យភូមិន្ទភ្នំពេញបានអញ្ជើញធ្វើបទឧទ្ទេសនាម។ ក្នុងសិក្ខាសាលានេះមានការចូលរួមពីគណៈគ្រប់គ្រង ទីប្រឹក្សា ក្រុមការងារស្រាវជ្រាវ និងបុគ្គលិកធនាគារ ARDB ព្រមទាំងសាស្ត្រាចារ្យ អ្នកស្រាវជ្រាវ និងនិស្សិតមកពីបណ្តាសាកលវិទ្យាល័យ និងវិទ្យាស្ថានពាក់ព័ន្ធ សរុបចំនួន ១៣៧ រូប (ទាំងផ្ទាល់ និងតាមប្រព័ន្ធអនឡាញ)។ សិក្ខាសាលានេះ រៀបចំឡើងក្រោមក្របខ័ណ្ឌនៃ មជ្ឈមណ្ឌលអគ្គបណ្ឌិតសភាចារ្យ អូន ព័ន្ធមុនីរ័ត្ន សម្រាប់ការសិក្សាគោលនយោបាយ និងបណ្តុះបណ្តាល (មជ្ឈមណ្ឌល APM) នៃធនាគារ ARDB ក្នុងគោលបំណងចែករំលែកលទ្ធផលស្រាវជ្រាវ […]

ភ្នំពេញ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី៣១ ខែកក្កដា ឆ្នាំ២០២៦នេះ បាន​អញ្ជើញថ្លែងសុន្ទរកថាគន្លឹះក្នុង”វេទិកាថ្នាក់ជាតិ ស្តីពីហិរញ្ញប្បទានសម្រាប់ធុរកិច្ច ឆ្នាំ២០២៦” ក្រោមប្រធានបទ “សមាហរណកម្មការគាំទ្រហិរញ្ញប្បទានរបស់រាជរដ្ឋាភិបាល ដើម្បីសម្រេចបានភាពធន់នៃសេដ្ឋកិច្ច” ដែលរៀបចំឡើងនៅសណ្ឋាគាររ៉េស៊ីដង់ សុខាភ្នំពេញ។ វេទិកាខាងលើនេះក៏មានវត្តមានអញ្ជើញចូលរួមផងដែរពី ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ,ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ថ្នាក់ដឹកនាំក្រសួង-ស្ថាប័នពាក់ព័ន្ធនៃរាជរដ្ឋាភិបាល, គ្រឹះស្ថានធនាគារ និងហិរញ្ញវត្ថុ, ក្រុមហ៊ុនឯកជន, សមាគម,ដៃគូអភិវឌ្ឍជាតិ និងអន្តរជាតិ ព្រមទាំងគ្រប់ភាគីពាក់ព័ន្ធផ្សេងទៀត។ ក្នុងឱកាសនោះ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានចាត់ទុកថា វេទិកាថ្នាក់ជាតិស្ដីពីហិរញ្ញប្បទានសម្រាប់ធុរកិច្ច ឆ្នាំ២០២៦ គឺជាការឆ្លុះបញ្ចាំងយ៉ាងច្បាស់អំពីកិច្ចសហប្រតិបត្តិការស្អិតល្មួតរវាងស្ថាប័នពាក់ព័ន្ធនៃរាជរដ្ឋាភិបាលក្នុងការបង្កើតសហថាមពល និងការបន្ស៊ីគោលនយោបាយអន្តរស្ថាប័ន សំដៅជំរុញការអភិវឌ្ឍវិស័យឯកជនដែលផ្ដោតជាសំខាន់លើការលើកកម្ពស់លទ្ធភាពទទួលបានហិរញ្ញប្បទានប្រកបដោយបរិយាបន្ន និងភាពបត់បែនដើម្បីធានាស្ថិរភាពអាជីវកម្ម និងជំរុញសកម្មភាពសេដ្ឋកិច្ចជាតិឲ្យមានសម្ទុះកាន់តែខ្លាំងក្លាឡើងបន្ថែមទៀត។ ឯកឧត្តមអគ្គបណ្ឌិតសភាចារ្យបានថ្លែងបញ្ជាក់ថាការរៀបចំនូវវេទិកាថ្នាក់ជាតិនេះឡើងក៏ជាកាតាលីករដ៏ចាំបាច់មួយក្នុងការបង្កើតនូវអេកូប្រព័ន្ធហិរញ្ញវត្ថុ(Financial Ecosystem)មួយប្រកបដោយបរិយាបន្ន តាមរយៈការតភ្ជាប់ដោយផ្ទាល់រវាងធុរកិច្ចជាមួយនឹងយន្តការគាំទ្រសំខាន់ៗរបស់រាជរដ្ឋាភិបាល។ បន្ថែមលើនេះវេទិកានេះក៏ដើរតួជាថ្នាលសន្ទនាបើកចំហ […]