ព័ត៌មានថ្មីៗ

ក្រោយពីទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) បុគ្គលិកនៃការិយាល័យចល័តខេត្តកំពង់ស្ពឺ​ បានចូលរួមរៀបចំ កិច្ចប្រជុំស្តីពី “ការបូកសរុបលទ្ធផលការងារប្រចាំខែកុម្ភៈ និងលេីកទិសដៅសម្រាប់ខែមីនា ឆ្នាំ២០២៤​” នាថ្ងៃទី២៨ ខែកុម្ភៈ​ ​ឆ្នាំ២០២៤​ ដែលប្រព្រឹត្តទៅនៅសាលប្រជុំគិរីរម្យ​ នៃមន្ទីរពាណិជ្ជកម្មខេត្តកំពង់ស្ពឺ។ កិច្ចប្រជុំនេះបានដឹកនាំសម្របសម្រួល​ដោយលោក​ ញឹល​ សំបូរ​ ប្រធានមន្ទីរពាណិជ្ជកម្ម​ និងជាប្រធានគ្រប់គ្រងគម្រោង​AIMS​ ខេត្តកំពង់ស្ពឺ​ ដោយមានសមាសភាពចូលរួមពី​អនុប្រធានមន្ទីរតំណាងប្រធានHub,​ អនុប្រធានHub និងក្រុមការងារ Hub, មន្ត្រីបង្គោល​ VCI, ARDB, GIC, BCFs។ កិច្ចប្រជុំបូកសរុបសមិទ្ធផលប្រចាំខែរបស់គម្រោងជំរុញទីផ្សារសម្រាប់កសិកម្មខ្នាតតូច​ (AIMS) នេះបានលេីកឡេីងដូចជា៖ ១) វឌ្ឍនភាពសំខាន់ៗ​ បញ្ហាប្រឈម និងដំណោះស្រាយ​ ២) ការផ្តល់នូវធាតុចូលល្អៗ​ សម្រាប់រៀបចំផែនការខែបន្ទាប់

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB មន្ត្រីធនាគារបានចូលរួមកិច្ចប្រជុំស្ដីពីកសិកម្មកម្ពុជា ប្រកបដោយនិរន្តរភាពឆ្នាំ២០២៤។ កម្មវិធីនេះរៀបចំឡើងដោយ ក្រុមហ៊ុនសាជីវកម្មសហគមន៍កសិកម្មកម្ពុជា សហព័ន្ធស្រូវអង្ករកម្ពុជា និងអង្គការដៃគូដើម្បីជីវភាពវិស័យកសិកម្មកម្ពុជា ដែលប្រព្រឹត្តិទៅនៅ CAMBODIANA Hotel​ នៅថ្ងៃទី២៨ ខែកុម្ភៈ ឆ្នាំ២០២៤​ ដែលមានអ្នកចូលរួមមកពីក្រសួងស្ថាប័នភាគីពាក់ព័ន្ធ អង្គការក្រៅរដ្ឋាភិបាល ក្នុងក្រុមហ៊ុន និងសហគមន៍កសិកម្ម សរុបប្រមាណជាង២០០នាក់។

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) បុគ្គលិកធនាគារ ARDB ស្នាក់ការកណ្តាល និងសាខាខេត្តបាត់ដំបង បានចូលរួមកិច្ចប្រជុំ​ ក្រោមប្រធានបទ “កិច្ចសន្ទនាអាជីវកម្មវារីវប្បកម្មថ្នាក់តំបន់” នាថ្ងៃទី២៧​ ខែកុម្ភៈ​ ឆ្នាំ២០២៤ ដែលប្រព្រឹត្តទៅនៅមជ្ឃមណ្ឌលសុភមង្គល​ ខេត្តបាត់ដំបង។ វេទិការនេះ មានគោលបំណង: ១)​ ចូលរួមពិភាក្សាបញ្ហាប្រឈម​របស់ភាគីពាក់ព័ន្ធដេីម្បីជំរុញអាជីវកម្មវារីវប្បកម្មនៅកម្ពុជា។ ២)​ កសាងបណ្តាញទំនាក់ទំនង​ និងរៀបចំផែនការពង្រឹង​ និងពង្រីកអាជីវកម្មវារីវប្បកម្មដេីម្បីឈានឆ្ពោះទៅទីផ្សារ​ប្រកួតប្រជែងនៅក្នុងតំបន់។ ជាលទ្ធផល កម្មវិធីកិច្ចសន្ទនានេះបានផ្តល់នូវចំណេះដឹង​ និង​ ដំណោះស្រាយដែលបានស្នើឡើងសម្រាប់វិស័យវារីវប្បកម្ម​ដូចជា: ១)​ ដំណោះស្រាយនៅក្នុងផ្នែកផលិតកម្ម ២)​ ដំណោះស្រាយជួយដល់ការកែច្នៃ ៣)​ ដំណោះស្រាយ ផ្នែកទីផ្សារ​ និងហិរញ្ញវត្ថុ ៤)​ ដំណោះស្រាយ ផ្នែកបរិស្ថាន​

ខេត្ត​ព្រៃវែង​៖​ ព្រឹក​ថ្ងៃ​ពុធ ១២ កើត ខែមាឃ ឆ្នាំថោះ​ បញ្ចស័ក ពុទ្ធសករាជ ២៥៦៧​ ត្រូវនឹងថ្ងៃទី២១ ខែកុម្ភៈ ឆ្នាំ២០២៤​ នេះ​ ឯកឧត្ដម​បណ្ឌិត​ កៅ​ ថាច​ ប្រតិភូ​រាជរដ្ឋាភិបាល​ ទទួល​បន្ទុក​អគ្គនាយក​ធនាគារ​អភិវឌ្ឍន៍​ជនបទ​ និងកសិកម្ម​ រួម​ជាមួយ​សហការី​ចុះ​ពិនិត្យ​មេីល​ការ​ច្រូត​កាត់​ប្រមូល​ផល​ស្រូវជាក់​ស្តែង​នៅ​ទីតាំង​ស្រែ​គំរូ​ ​ដែល​ស្ថិត​នៅ​ក្នុង​ស្រុក​​ស្វាយ​អន្ទរ​ ខេត្ត​ព្រៃវែង​។ គួរ​រំឭក​ថា​ទីតាំង​ស្រូវ​គំរូ​នេះ​ ធ្លាប់​បាន​ពិសោធន៍​ម្តង​រួច​មក​ហើយ​ ដោយ​ទាំង​ពីរ​លេីក​ គឺ​ទទួល​បាន​ទិន្នផល​ជាង ៨​តោន​ ក្នុង​មួយ​ហិចតា​ដូច​គ្នា​

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកអគ្គនាយកធនាការអភិវឌ្ឍន៍ជនបទ និងកសិកម្ម (ARDB) បានឆ្លៀតពេលវេលាអញ្ចើញចូលរួមទស្សនាផលិតផលក្នុងពិធីបើកពិព័រណ៍កសិកម្មវាលបៃតង និងអាហារ នៅល្ងាចថ្ងៃទី១៦ ខែកុម្ភៈ ឆ្នំា២០២៤ ដែលរៀបចំឡើងដោយសាកលវិទ្យាល័យភូមិន្ទកសិកម្ម សហការជាមួយក្រសួងកសិកម្ម រុក្ខាប្រមាញ់ និងនេសាទ។ ក្នុងដំណើរទសន្សាពិព័រណ៍កសិកម្មវាលបៃតងនិងអាហារ ខាងលើនេះ ឯកឧត្តមបណ្ឌិត កៅ ថាច បានចូលរួមទស្សនា និងសំណេះសំណាល ជាមួយស្តង់បន្លែសុវត្ថភាពដែលបានដាំដុះដោយប្រជាកសិករ និងសហគន៍កសិកម្ម, ស្តង់បង្ហាញពីការចិញ្ចឹមសត្វ, តង់បង្ហាញពីការកែច្នៃចំណីអាហារ ព្រមទាំងស្តង់ដាក់បង្ហាញអំពីផលិតផលស្រូវ-អង្ករកម្ពុជា ផងដែរ។ ក្នុងឱកាសនេះ ផងដែរ, ឯកឧត្តមបណ្ឌិត ក៏បានកោតសរសើរអំពីផលិតផល ដែលបានដាំដុះដោយប្រជាកសិករ និងបានបង្ហាញអំពីការបន្តគាំទ្រដល់ប្រជាកសិករ, សហគមន៍កសិកម្ម, និងសហគ្រាសកែច្នៃក្នុងវិស័យកសិកម្ម និងភាគីពាក់ព័ន្ធផ្សេងទៀតក្នុងខ្សែច្រវាក់ផលិតកម្មកសិកម្ម។

នៅថ្ងៃទី១៦ ខែកុម្ភៈ ឆ្នាំ២០២៤, ឯកឧត្តម បាន លឹម អគ្គនាយករងនៃធនាគារ ARDB ទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB បានចូលរួមសិក្ខាសាលាបូកសរុបលទ្ធផលការងារឆ្នាំ២០២៣ និងលើកទិសដៅអនុវត្តការងារសម្រាប់ឆ្នាំ២០២៤ ក្រោមក្របខណ្ឌនៃការអនុវត្តគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP) ដែលកិច្ចប្រជុំនេះ បានរៀបចំឡើងនៅអគារមជ្ឈមណ្ឌលធុរកិច្ច រាជធានីភ្នំពេញ។សូមគូសបញ្ជាក់ផងដែរ ក្នុងក្របខណ្ឌនៃគម្រោងនេះត្រូវបានអនុវត្តក្នុងខេត្តគោលដៅចំនួន ៦ រួមមាន ខេត្តកំពង់ចាម ខេត្តត្បូងឃ្មុំ ខេត្តកំពង់ធំ ខេត្តព្រះវិហារ ខេត្តសៀមរាប និងខេត្តឧត្តរមានជ័យ ដែលគាំទ្រដល់សហគា្រសកសិធុរកិច្ច ,សហគមន៍កសិកម្ម ,សមាជិកសហគមន៍កសិកម្ម និងកសិករចិញ្ចឹមមាន់ស្រែ ទៅលើខ្សែច្រវាក់តម្លៃកសិកម្មចំនួន៥ រួមមាន៖ដំឡូងមី ស្វាយចន្ទី ស្វាយ បន្លែ និងមាន់ស្រែ ដែលក្នុងនោះមានធនាគារពីររួមមាន៖ធនាគារស្ថាបនា និងធនាគារ ADRB មានតួនាទីក្នុងការផ្តល់ហិរញ្ញប្បទានដោយផ្ទាល់ ដើម្បីគាំទ្រដល់អាជីវកម្មរបស់តួរអង្គដែលពាក់ព័ន្ធក្នុងខ្សែច្រវាក់តម្លៃកសិកម្មខាងលើ។

នៅថ្ងៃទី១៦ ខែកុម្ភៈ ឆ្នាំ២០២៤នេះ​ ធនាគារអភិវឌ្ឍន៍ជនបទ​ និងកសិកម្ម ARDB បានចូលរួមដាក់តាំងបង្ហាញផលិតផល​ និងសេវាកម្ម នៅក្នុងកម្មវិធី​ «ពិព័រណ៍កសិកម្មវាលបៃតង និងអាហារ»ដែលរៀបចំឡើងដោយ សាកលវិទ្យាល័យភូមិន្ទកសិកម្ម សហការជាមួយក្រសួងកសិកម្ម រុក្ខាប្រមាញ់​ និងនេសាទ ដែលមានរយៈពេល៣ថ្ងៃចាប់ពីថ្ងៃទី១៦​ ដល់​ ថ្ងៃទី១៨​ ខែកុម្ភៈ​ ឆ្នាំ២០២៤។ កម្មវិធីពិព័រណ៍កសិកម្មវាលបៃតងនិងអាហារ ខាងលើនេះ មានគោលបំណងសំខាន់ៗ​ដូចជា៖​ (​១)-ផ្សព្វផ្សាយទៅកាន់សាធារណៈជនទូទៅអំពីសកម្មភាពសំខាន់ៗ ដែលសាកលវិទ្យាល័យបាននឹងកំពុងអនុវត្ត​ និងអភិវឌ្ឍន៍, (២)- តាំងបង្ហាញអំពីស្នាដៃសមិទ្ធផល ព្រមទាំងការលក់ផលិតផលកែច្នៃផ្សេងៗរបស់និស្សិតទៅកាន់សាធារណៈជន, (៣)-ការបង្កើតឱកាសដល់លោកគ្រូ អ្នកគ្រូ និងនិស្សិតក្នុងការអនុវត្តន៍ ជាក់ស្តែងអំពីអាជីវកម្មផ្សារភ្ជាប់នឹងទីផ្សារ,(៤) ចូលរួម​ និងបង្កើនទំនាក់ទំនងរវាងស្ថាប័នរដ្ឋ សហគមន៍កសិកម្ម ក្រុមហ៊ុន វិស័យឯកជន និងអង្គភាពជាដៃគូសហការជាមួយសាកលវិទ្យាល័យ ក្នុងការដាក់តាំងបង្ហាញ និងលក់ផលិតផលផ្សេងៗនៅក្នុងកម្មវិធីពិព័រណ៍។ គួរបញ្ជាក់ផងដែរថា ពិព័រណ៍កសិកម្មវាលបៃតង​ និងអាហារនេះនឹងចាប់ផ្តើមបើកកម្មវិធីពិព័រណ៍នៅល្ងាចម៉ោង៥:០០នេះតទៅ៕

ស្រុក​ខ្សាច់​កណ្ដាល​ ខេត្ត​កណ្ដាល​៖​ នា​ព្រឹក​ថ្ងៃព្រហស្បតិ៍ ៦ កើត ខែមាឃ ឆ្នាំថោះ​ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែកុម្ភៈ ឆ្នាំ២០២៤​ នេះ​ ឯកឧត្ដមបណ្ឌិត​ កៅ​ ថាច​ ប្រតិភូ​រាជរដ្ឋាភិបាល​ទទួល​បន្ទុក​អគ្គនាយក​ធនាគារ​អភិវឌ្ឍន៍​ជនបទ​ និង​កសិកម្ម​ បាន​ចុះ​ពិនិត្យ​មេីល​កសិដ្ឋាន​ជ័យ​ធំ​ ដែល​ជា​កសិករ​បន្លែ​សុវត្ថិភាព​គំរូ​ស្ថិត​នៅ​ក្រោម​គម្រោង​របស់​ធនាគារ​ ARDB ដែល​មាន​ទី​តាំង​ស្ថិត​នៅ​ក្នុង​ឃុំ​ជ័យ​ធំ​ ស្រុក​ខ្សាច់​កណ្ដាល​ ខេត្ត​កណ្ដាល​។ គួរបញ្ជាក់ថា​ កសិដ្ឋាន​នេះ​បាន​ និង​កំពុង​ពង្រីក​ការ​សង់​ផ្ទះ​សំណាញ់​បន្ថែម​ ក៏​ដូច​ជា​ការ​ចញ្ចឹម​ត្រី​ផង​ដែរ។

ស្រុក​ខ្សាច់​កណ្ដាល​ ខេត្ត​កណ្ដាល​៖​ នា​ព្រឹក​ថ្ងៃព្រហស្បតិ៍ ៦ កើត ខែមាឃ ឆ្នាំថោះ​ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែកុម្ភៈ ឆ្នាំ២០២៤​ នេះ​ ឯកឧត្ដមបណ្ឌិត​ កៅ​ ថាច​ ប្រតិភូ​រាជរដ្ឋាភិបាល​ទទួល​បន្ទុក​អគ្គនាយក​ធនាគារ​អភិវឌ្ឍន៍​ជនបទ​ និង​កសិកម្ម​ បាន​ចុះ​ជួប​សំណេះសំណាល​ជាមួយ​លោកគ្រូ​អ្នក​គ្រូ​ស្ម័គ្រ​ចិត្ត​ និង​សិស្សានុសិស្ស​ ដែល​កំពុង​រៀន​វគ្គ​បំប៉ន​ត្រៀម​សម្រាប់​ការ​ប្រឡង​ធម្យម​សិក្សា​ទុតិយភូមិ​ឆ្នាំ​២០២៤​ នៅ​វិទ្យាល័យ​ហ៊ុនសែន​ខ្សាច់​កណ្ដាល​ និង​វិទ្យាល័យហ៊ុន​សែន​ ​រ៉ូតា​។ ឆ្លៀត​ក្នុង​ឱកាស​នោះ​ ឯកឧត្ដម​បណ្ឌិត​ ក៏​បាន​ចុះ​ពិនិត្យ​តារាង​បាល់ទាត់​ដែល​កំពុង​សាង​សង់​ក្រោម​ការ​ឧបត្ថម្ភ​របស់​ឯកឧត្ដម​បណ្ឌិត​ប្រតិភូ​ និង​សប្បុរសជន​នានា។

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) បុគ្គលិកនៃការិយាល័យចល័តខេត្តកំពង់ចាម បានចូលរួមវេទិកាស្តីពី ការកសាងភាពជាដៃគូធុរកិច្ចប្រកបដោយបរិយាបន្នរវាងសហគ្រាសកសិកម្ម សហគមន៍កសិកម្ម និងកសិករចិញ្ចឹមមាន់ស្រុក របស់គម្រោង ACSEP នាថ្ងៃទី១៤ ខែកុម្ភៈ ឆ្នាំ២០២៤ ដែលប្រព្រឹត្តទៅនៅសណ្ឋាគារភ្នំប្រុស ខេត្តកំពង់ចាម។ វេទិការនេះ មានគោលបំណង៖ រៀបចំ និងផ្សព្វផ្សាយ អំពីស្តង់ដាគោលការណ៍ណែនាំផ្សេងៗ លើការអនុវត្តផលិតកម្មល្អ (GMP) និងប្រព័ន្ធគ្រប់គ្រងសុវត្ថិភាពចំណីអាហារ (GHP/HACCP)។ ធ្វើឱ្យប្រសើឡើងនូវការយល់ដឹង និងបង្កើនសមត្ថភាពដល់សហគមន៍កសិកម្ម និងសហគ្រាសកសិកម្មអំពីការអនុវត្ត GMP, GHP/HACCP។ ចូលរួមគាំទ្រ និងបណ្តុះបណ្តាលដល់សហគមន៍កសិកម្ម និងសហគ្រាសកសិកម្មលើការរៀបចំហេដ្ឋារចនាសម្ព័ន្ធប្រព័ន្ធប្រព្រឹត្តកម្ម ឧបករណ៍សម្ភារៈផ្សេងៗ រួមទាំងឃ្លាំងស្តុក។ ផ្សព្វផ្សាយ និងបណ្តុះបណ្តាលគោលការណ៍ និងយន្តការផលិតកម្មកសិកម្មតាមកិច្ចសន្យា។ ផ្សាភ្ជាប់ និងកសាងភាពជាដៃគូអាជីវកម្មបរិយាបន្នរវាង សហគ្រាសកសិកម្ម និងសហគមន៍កសិកម្ម។ ផ្សព្វផ្សាយ អំពីការត្រួតពិនិត្យគុណភាពសុវត្ថិភាពចំណីអាហារ តាមរយៈការវិភាគដោយមន្ទីរពិសោធន៍ផលិតផលកសិកម្ម និងចំណីអាហារកម្ពុជា