ព័ត៌មានថ្មីៗ

ទីស្ដីការក្រសួងពាណិជ្ជកម្ម៖ ថ្ងៃទី៤ ខែសីហា ឆ្នាំ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយធនាគារអភិវឌ្ឍន៍ជនបទ និងកសិកម្ម (ARDB), ឯកឧត្ដម បាន លឹម អគ្គនាយរងនៃធនាគារ ARDB ព្រមទាំងសហការី បានចូលរួមកិច្ចប្រជុំលើកទី១ នៃក្រុមការងារបច្ចេកទេសអន្តរក្រសួង ស្ថាប័ន ដើម្បីរៀបចំសេចក្ដីព្រាងគោលនយោបាយជាតិស្ដីពីដំឡូងមី ដំណាក់កាលទី២។ កិច្ចប្រជុំនេះ មានគោលបំណង៖ (១)-ប្រកាសសមាសភាពសមាជិក-សមាជិកា នៃក្រុមការងារបច្ចេកទេសអន្តរក្រសួង ស្ថាប័ន ដើម្បីរៀបចំសេចក្ដីព្រាងគោលនយោយបាយជាតិស្ដីពីដំឡូងមី ដំណាក់កាលទី២ និង (២)-ពិនិត្យពិភាក្សា និងផ្ដល់យោបល់លើការត្រៀមរៀបចំសេចក្ដីព្រាងគោលនយោបាយជាតិស្ដីពីដំឡូងមី ដំណាក់កាលទី២។ កិច្ចប្រជុំនេះ បានរៀបចំឡើងក្រោមអធិបតីភាព ឯកឧត្ដម រាជ រ៉ា រដ្ឋលេខាធិការ នៃក្រសួងពាណិជ្ជកម្ម និងជាប្រធានក្រុមការងារបច្ចេកទេសអន្តរក្រសួង ស្ថាប័ន ដើម្បីរៀបចំសេចក្ដីព្រាងគោលនយោយបាយជាតិស្ដីពីដំឡូងមី ដំណាក់កាលទី២ ព្រមទាំងមានការចូលរួមពី ឯកឧត្ដម លោកជំទាវ លោកឧកញ៉ា លោក លោកស្រី ដែលអញ្ជើញមកពីតំណាងក្រសួង ស្ថាប័ន ពាក់ព័ន្ធ ដែលសរុបប្រមាណ ៨០ […]

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំកិច្ចប្រជុំលើកទី២នៃគណៈកម្មាធិការឥណទានបៃតងក្រោមក្របខ័ណ្ឌកម្មវិធីហិរញ្ញប្បទានអាកាសធាតុនៅកម្ពុជា (CCFF) ដែលមានការចូលរួមពីតំណាងធនាគារអភិវឌ្ឍន៍កូរ៉េ (Korea Development Bank-KDB) ក្រុមហ៊ុន Mekong Strategic Capital (MSC) និងក្រុមការងារអនុវត្តកម្មវិធី CCFF (CCFF Working Group)។ គោលបំណងនៃកិច្ចប្រជុំនេះ រួមមាន៖ (១) ការពិនិត្យ និងវាយតម្លៃលើគម្រោងបៃតងក្រោមក្របខ័ណ្ឌកម្មវិធី CCFF (២) ផែនការបញ្ចេញឥណទានបៃតងជាបន្តបន្ទាប់ និង(៣) ការងារផ្សេងៗ។ ជាលទ្ធផលនៃកិច្ចប្រជុំគណៈកម្មាធិការឥណទានបៃតង (GCC) បានអនុម័តលើការផ្តល់ឥណទានដល់គម្រោងចំនួនបី (ក្នុងនោះឥណទានបោះដុំចំនួនមួយគម្រោង) ដែលមានគាំទ្រដល់វិស័យកសិកម្ម និងព្រៃឈើប្រកបដោយចីរភាព ប្រសិទ្ធភាពថាមពល ការប្រើប្រាស់ថាមពលកកើតឡើងវិញ និងប្រព័ន្ធដឹកជញ្ជូនដែលបំភាយឧស្ម័នផ្ទះកញ្ចក់ទាប។ បន្ថែមពីនេះ ឯកឧត្តមបណ្ឌិតប្រតិភូ ក៏បានផ្តល់អនុសាសន៍ណែនាំដល់ក្រុមការងារ CCFF WG ក្នុងការបន្តសិក្សា និងជំរុញការបញ្ចេញឥណទានបៃតង ស្របតាមវិស័យអាទិភាពនៃកម្មវិធី CCFF។ កិច្ចប្រជុំនេះបានប្រព្រឹត្តទៅនាពេលរសៀលថ្ងៃចន្ទ ០៥រោច ខែទុតិយាសាឍ ឆ្នាំមមី […]

តបតាមការអញ្ជើញរបស់អគ្គលេខាធិការដ្ឋាននៃព្រឹទ្ធសភា, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ចូលរួមសិក្ខាសាលាស្តីពី “ស្ថានភាពសេដ្ឋកិច្ចកម្ពុជា និងមាគ៌ាឆ្ពោះទៅឆ្នាំ២០៥០ ក្រោមអធិបតីភាព ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភាកម្ពុជា ដោយមានការចូលរួមពីតំណាងស្ថានទូតប្រចាំនៅកម្ពុជា សមាជិកព្រឹទ្ធសភា និងរដ្ឋសភា ក្រសួង-ស្ថាប័នពាក់ព័ន្ធ តំណាងដៃគូអភិវឌ្ឍន៍ និងគ្រឹះស្ថានអប់រំ ជាដើម នាថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ នៅវិមានសាមគ្គីភាពនៃព្រឹទ្ធសភា។ សិក្ខាសាលាដ៏មានសារៈសំខាន់នេះ បានសង្កត់ធ្ងន់ទៅលើស្ថានភាពសេដ្ឋកិច្ចកម្ពុជានាពេលបច្ចុប្បន្ន ការវិវត្តនានាដែលជះឥទ្ធិពលមកលើសេដ្ឋកិច្ចកម្ពុជា កាលានុវត្តភាពសម្រាប់សេដ្ឋកិច្ចកម្ពុជាក្នុងស្ថានភាពបច្ចុប្បន្ន និងយុទ្ធសាស្រ្តសម្រាប់ដំណើរឆ្ពោះទៅឆ្នាំ២០៥០។ បច្ចុប្បន្ននេះ សេដ្ឋកិច្ចកម្ពុជា កំពុងរងសម្ពាធពីភូមិសាស្រ្តនយោបាយតំបន់ និងសកល (សង្រ្គាមរុស្សី-អ៊ុយក្រែន និងសង្រ្គាមមជ្ឍឹមបូព៌ា) ការកើនឡើងតម្លៃប្រេងឥន្ទនៈ ជម្លោះព្រំដែនកម្ពុជា-ថៃ សម្ពាធម៉ាក្រូសេដ្ឋកិច្ចខាក្រៅ និងបញ្ហាប្រែប្រួលអាកាសធាតុ ជាដើម។ ស្របពេលនឹងវិបត្តិនេះ សេដ្ឋកិច្ចកម្ពុជា ក៏ទទួលបានកាលានុវត្តភាពក្នុងការបន្តពង្រឹង និងកែទម្រង់វិស័យគាំទ្រកំណើនសេដ្ឋកិច្ចកម្ពុជាឱ្យកាន់តែមានប្រសិទ្ធភាពខ្ពស់។ យុទ្ធសាស្រ្តសម្រាប់ដំណើរឆ្ពោះទៅឆ្នាំ២០៥០ គឺការវិនិយោគលើមូលធនមនុស្សដោយផ្តោតពីកុមារ […]

ភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ឯកឧត្តម ចាន់ សីហា អគ្គនាយករងនៃធនាគារ ARDB ព្រមទាំងសហការី នៅព្រឹកថ្ងៃទី៣១ ខែកក្កដា ឆ្នាំ២០២៦នេះ បានអញ្ជើញចូលរួមកិច្ចពិភាក្សាស្តីអំពី “អត្ថប្រយោជន៍ និងឱកាសនៃការទទួលបានការគាំទ្រហិរញ្ញប្បទានសម្រាប់ធុរកិច្ច” នៃវេទិកាថ្នាក់ជាតិស្តីពីហិរញ្ញប្បទានសម្រាប់ធុរកិច្ច ឆ្នាំ២០២៦ ដែលរៀបចំឡើងនៅសណ្ឋាគារ រ៉េស៊ីដង់ សុខាភ្នំពេញ។ នៅក្នុងកិច្ចពិភាក្សានោះ គឺក្រោមការសម្របសម្រួលដោយ លោក រ័ត្ន សោភ័ណ ប្រធានសមាគមធនាគារកម្ពុជា ព្រមទាំងវាគ្មិនកិត្តិយសរួមមាន លោក ណូ លីដា អគ្គនាយក CGCC, ឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា, លោក ជា សុភ័ក្ត អគ្គនាយក SME Bank។ នៅក្នុងឱកាសកិច្ចពិភាក្សានោះ ឯកឧត្តម ចាន់ សីហា បានលើកឡើងថា ចំពោះ ធនាគារ ARDBកន្លងមក […]

រាជធានីភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៏ជនបទ និងកសិកម្ម (ARDB), ឯកឧត្តម បាន លឹម អគ្គនាយករង បានអញ្ជើញជាអធិបតីបើកសិក្ខាសាលាចែករំលែក (Lecture Series) លើកទី២ ស្តីពី “Fostering Forest-Positive commodity Value Chain in Cambodia”។ លោកបណ្ឌិត ជូ ផានិត អ្នកសេដ្ឋកិច្ចបរិស្ថាន និងជាសាស្ត្រាចារ្យរងនៅសាកលវិទ្យាល័យភូមិន្ទភ្នំពេញបានអញ្ជើញធ្វើបទឧទ្ទេសនាម។ ក្នុងសិក្ខាសាលានេះមានការចូលរួមពីគណៈគ្រប់គ្រង ទីប្រឹក្សា ក្រុមការងារស្រាវជ្រាវ និងបុគ្គលិកធនាគារ ARDB ព្រមទាំងសាស្ត្រាចារ្យ អ្នកស្រាវជ្រាវ និងនិស្សិតមកពីបណ្តាសាកលវិទ្យាល័យ និងវិទ្យាស្ថានពាក់ព័ន្ធ សរុបចំនួន ១៣៧ រូប (ទាំងផ្ទាល់ និងតាមប្រព័ន្ធអនឡាញ)។ សិក្ខាសាលានេះ រៀបចំឡើងក្រោមក្របខ័ណ្ឌនៃ មជ្ឈមណ្ឌលអគ្គបណ្ឌិតសភាចារ្យ អូន ព័ន្ធមុនីរ័ត្ន សម្រាប់ការសិក្សាគោលនយោបាយ និងបណ្តុះបណ្តាល (មជ្ឈមណ្ឌល APM) នៃធនាគារ ARDB ក្នុងគោលបំណងចែករំលែកលទ្ធផលស្រាវជ្រាវ […]

ភ្នំពេញ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី៣១ ខែកក្កដា ឆ្នាំ២០២៦នេះ បាន​អញ្ជើញថ្លែងសុន្ទរកថាគន្លឹះក្នុង”វេទិកាថ្នាក់ជាតិ ស្តីពីហិរញ្ញប្បទានសម្រាប់ធុរកិច្ច ឆ្នាំ២០២៦” ក្រោមប្រធានបទ “សមាហរណកម្មការគាំទ្រហិរញ្ញប្បទានរបស់រាជរដ្ឋាភិបាល ដើម្បីសម្រេចបានភាពធន់នៃសេដ្ឋកិច្ច” ដែលរៀបចំឡើងនៅសណ្ឋាគាររ៉េស៊ីដង់ សុខាភ្នំពេញ។ វេទិកាខាងលើនេះក៏មានវត្តមានអញ្ជើញចូលរួមផងដែរពី ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ,ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ថ្នាក់ដឹកនាំក្រសួង-ស្ថាប័នពាក់ព័ន្ធនៃរាជរដ្ឋាភិបាល, គ្រឹះស្ថានធនាគារ និងហិរញ្ញវត្ថុ, ក្រុមហ៊ុនឯកជន, សមាគម,ដៃគូអភិវឌ្ឍជាតិ និងអន្តរជាតិ ព្រមទាំងគ្រប់ភាគីពាក់ព័ន្ធផ្សេងទៀត។ ក្នុងឱកាសនោះ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានចាត់ទុកថា វេទិកាថ្នាក់ជាតិស្ដីពីហិរញ្ញប្បទានសម្រាប់ធុរកិច្ច ឆ្នាំ២០២៦ គឺជាការឆ្លុះបញ្ចាំងយ៉ាងច្បាស់អំពីកិច្ចសហប្រតិបត្តិការស្អិតល្មួតរវាងស្ថាប័នពាក់ព័ន្ធនៃរាជរដ្ឋាភិបាលក្នុងការបង្កើតសហថាមពល និងការបន្ស៊ីគោលនយោបាយអន្តរស្ថាប័ន សំដៅជំរុញការអភិវឌ្ឍវិស័យឯកជនដែលផ្ដោតជាសំខាន់លើការលើកកម្ពស់លទ្ធភាពទទួលបានហិរញ្ញប្បទានប្រកបដោយបរិយាបន្ន និងភាពបត់បែនដើម្បីធានាស្ថិរភាពអាជីវកម្ម និងជំរុញសកម្មភាពសេដ្ឋកិច្ចជាតិឲ្យមានសម្ទុះកាន់តែខ្លាំងក្លាឡើងបន្ថែមទៀត។ ឯកឧត្តមអគ្គបណ្ឌិតសភាចារ្យបានថ្លែងបញ្ជាក់ថាការរៀបចំនូវវេទិកាថ្នាក់ជាតិនេះឡើងក៏ជាកាតាលីករដ៏ចាំបាច់មួយក្នុងការបង្កើតនូវអេកូប្រព័ន្ធហិរញ្ញវត្ថុ(Financial Ecosystem)មួយប្រកបដោយបរិយាបន្ន តាមរយៈការតភ្ជាប់ដោយផ្ទាល់រវាងធុរកិច្ចជាមួយនឹងយន្តការគាំទ្រសំខាន់ៗរបស់រាជរដ្ឋាភិបាល។ បន្ថែមលើនេះវេទិកានេះក៏ដើរតួជាថ្នាលសន្ទនាបើកចំហ […]

រាជធានីភ្នំពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ឯកឧត្តម បាន លឹម អគ្គនាយករងនៃធនាគារ ARDB អមដោយសហការី បានជួបពិភាក្សាការងារជាមួយតំណាង​មកពីគ្រឹះស្ថានមីក្រូហិរញ្ញវត្ថុអម្រឹត។ កិច្ចប្រជុំនេះមានគោលបំណងពិភាក្សាអំពីការផ្តល់ឥណទានក្នុងវិស័យកសិកម្ម, បេសកកម្មរួមក្នុងការជួយអភិវឌ្ឍសង្គម និងកិច្ចសហ​ប្រតិបត្តិ​ការ​​ផ្សេងទៀតរវាងស្ថាប័នទាំងពីរ។ កិច្ចប្រជុំនេះបានប្រព្រឹត្តទៅនាព្រឹកថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹង ថ្ងៃទី៣០ ខែកក្កដា ឆ្នាំ២០២៦ នៅទីស្នាក់ការធនាគារ ARDB។

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល​ទទួលបន្ទុកជា​អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំកិច្ចប្រជុំជាមួយ​តំណាង​សមាគមបណ្តាញកសិករតេជោ ដើម្បីពិភាក្សាបន្តអំពីគម្រោងអភិវឌ្ឍន៍ និងលើកកម្ពស់ជីវភាព​ជនភៀសសឹក នៅខេត្តព្រះវិហារ។ កិច្ចប្រជុំនេះមានគោលបំណងពិនិត្យលើវឌ្ឍនភាពនៃការរៀបចំផែនការអាជីវកម្មកសិកម្មរួមមាន៖ វារីវប្បកម្ម, ផលិតកម្មគោសាច់ និងផលិតកម្មចំណី និងស្មៅ, អាជីវកម្មចិញ្ចឹមមាន់យកស៊ុត និងសាច់, អាជីវកម្មចិញ្ចឹមទាយកស៊ុត និងសាច់, ការដាំបន្លែក្នុងផ្ទះសំណាញ់ និងកន្លែងប្រមូលផ្តុំនិងចែកចាយបន្លែ នៅខេត្តព្រះវិហារ តាមរយៈ​ការវិនិយោគពី​ក្រុមហ៊ុនឯកជន លើការបង្កើតចង្កោមអាជីវកម្ម​ចម្បងៗ​ក្នុងបរិបទ​សេដ្ឋកិច្ចចក្រា ដើម្បីកាត់បន្ថយថ្លៃម្ហូបអាហាររវាងជនបទនិងទីក្រុង, ពង្រឹងសន្តិសុខស្បៀងអាហារក្នុងតំបន់ ព្រមទាំងលើកកម្ពស់ជីវភាពជនភៀសសឹក។ កិច្ចប្រជុំនេះបានប្រព្រឹត្តទៅនាព្រឹកថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦ នៅទីស្នាក់ការធនាគារ ARDB។

កណ្តាល៖ នាព្រឹកថ្ងៃសៅរិ៍ ទី២៥ ខែកក្កដា ឆ្នាំ២០២៦ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកខ្សាច់កណ្តាល ទទួលបន្ទុកជាប្រធានចលនាយុវជនស្រុក បានមានប្រសាសន៍ថា អនាគតរបស់ក្មួយសិស្សានុសិស្ស​ ត្រូវបានសរសេរដោយខ្លួនឯងផ្ទាល់ មិនមែនអ្នកក្រៅទេ ព្រោះអ្នកដទៃបានត្រឹមតែលើកទឹកចិត្ត និងរង់ចាំសេចក្តីសង្ឃឹម។ ពិធីសំណេះសំណាលប្រកបដោយដំបូន្មាន​ល្អ និងការលើកទឹកចិត្តនេះ ត្រូវបានប្រារព្ធឡើងនៅទីស្នាក់ការគណបក្សប្រជាជនកម្ពុជាស្រុកខ្សាច់កណ្តាល ដោយមានការអញ្ជើញចូលរួមពីឯកឧត្តម ប៉ិច សានី អគ្គនាយករងធនាគារ ARDB ព្រមទាំងសហការី និងលោក ចេង ឌីណា អភិបាលស្រុក និងជាប្រធានគណៈកម្មាធិការគណបក្សប្រជាជនស្រុកខ្សាច់កណ្តាល រួមទាំងលោកគ្រូ អ្នកគ្រូ និងសិស្សានុសិស្សសរុបចំនួន១ ០៦៨នាក់។ ជាកិច្ចចាប់ផ្តើមនៃពិធីសំណះសំណាលដ៏ស្រស់ស្រាយនេះ​​​ ឯកឧត្តមបណ្ឌិតបានមានប្រសាសន៍ប្រាប់បេក្ខជនត្រៀមប្រឡងទាំងអស់ ឱ្យទុកវេលាខ្លះមុនចូលដល់ថ្ងៃប្រឡង​ដើម្បីថែរក្សាសុខភាព​ និងពង្រឹងស្មារតីកុំឱ្យភ័យខ្លាច​ ព្រមទាំងសាកល្បងធ្វើតេស្តភាពឆ្លាតវៃ​​ និងសេចក្តីក្លាហានរបស់ប្អូនៗ​ ក្មួយៗ​ ជាសិស្សានុសិស្យ​ របស់វិទ្យាល័យទាំងបី​ ។ ក្នុងវេលាដ៏រីករាយនេះមានសិស្សស្ត្រីម្នាក់មកពីវិទ្យាល័យពុកឫស្សី​ បានឡើងឆ្លើយសំណួររបស់ឯកឧត្តមបណ្ឌិតថា​ ដើម្បីប្រឡងឱ្យជាប់និងនិទ្ទេសល្អនាពេលខាងមុខដ៏ខ្លីនេះ​ គឺត្រូវរៀននិងរំលឹកមេរៀនឱ្យបាន​ជាប់លាប់ គេងឱ្យបានច្រើន ហើយអត់ភ័យ​​ ដោយសារជឿជាក់លើខ្លួនឯង។​ ចំណែកសិស្សស្ត្រីម្នាក់ទៀត​ […]

រាជធានីភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានទទួលជួបពិភាក្សាជាមួយតំណាងក្រុមហ៊ុន COFCO Science & Technology Food Cold Chain Division (COFCOET) នៃសាធារណរដ្ឋប្រជាមានិតចិន ដើម្បីស្វែងយល់អំពី គម្រោងអភិវឌ្ឍន៍ សួនឧស្សាហកម្មអេកូឡូស៊ីសម្រាប់ការចរាចរផលិតផលកសិកម្មបែបឌីជីថល និងឆ្លាតវៃ ព្រមទាំងដំណោះស្រាយប្រព័ន្ធខ្សែច្រវាក់ត្រជាក់ (Cold Chain) សម្រាប់ផលិតផលកសិកម្ម។ កិច្ចពិភាក្សានេះក៏បានលើកឡើង អំពីឱកាសនៃកិច្ចសហប្រតិបត្តិការក្នុងការអភិវឌ្ឍហេដ្ឋារចនាសម្ព័ន្ធខ្សែច្រវាក់ត្រជាក់ និងភស្តុភារកម្មកសិកម្ម ដើម្បីបង្កើនប្រសិទ្ធភាពនៃការរក្សាទុក ការដឹកជញ្ជូន និងការបង្កើនតម្លៃបន្ថែមនៃផលិតផលកសិកម្មនៅកម្ពុជា។ កិច្ចប្រជុំនេះបានប្រព្រឹត្តទៅនាព្រឹកថ្ងៃសុក្រ ១០ កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ នៅទីស្នាក់ការកណ្តាលធនាគារអភិវឌ្ឍន៍ជនបទ និងកសិកម្ម (ARDB)។